|
|
رد: *** البرئ و الجلاد - قصة واقعية بالصور ***
اقتباس:
في بلدنا اه ... وبيعملو اكتر من كده كمان ... بقولك مصيده ... يسيبك تدخل الشارع وبعدين يقولك داخل غلط ... طب ما يقف على اول الشارع و يمنع الناس من الدخول !!!!!! لكن هو مش هدفه النظام ... هو غرضه المصلحه مش مهم انت صح و لا غلط ... المهم السبوبه يعني لو كان قاوح معاه كانو حيقولوله انت صح و حقك علينا احنا غلطانين طب لو راح القسم ... تفتكر ظابط القسم حيطلعه صح على حساب زميله الباشا ظابط المرور .... قلبك ابيض بلاش ... افتكر معايا الطفايه ... حزام الامان .... الخوذه ... عيون القط ... شنطه الاسعافات والمثلث ... لما نلغي الفساد ... نبقى نطبق القانون ... لأن اللي بيتطبق حاليا مش قانون لما الاول نلغي الرشوه و المحسوبيه ... نبقى ندور على العلامات الارشاديه يونس باشا ... هي دي البلد ... وهو ده النظام ... اثبت بقى انك مش في حاله سير عكس الاتجاه !!!! على فكره انا كنت كاتب كلام اد كده مرتين ... لكن بعد ما كتبته مسحته متهيألي كفايه كده ... شكلك حتوديني كلبوش |
رد: *** البرئ و الجلاد - قصة واقعية بالصور ***
على فكره .... انا مش قصدي خالص نسكت على الفساد او ندفن راسنا في الرمل
لكن في نفس الوقت مندخلش بصدرنا باعتبار ان صاحب الحق ارعن للأسف في بلدنا صاحب الحق ... مفقود مفقود مفقود ...يا ولدي لكن فكره حازم باشا خضر ممتازه ... وممكن نفكر في حاجات مشابهه ... ازاي الواحد ياخد حقه او ياخد موقف ايجابي من غير ما يبهدل نفسه .. ازاي ياخد حقه باسلوب شرعي ... من غير ما يحط نفسه في مواقف عنتريه وتكون النتيجه اسواء ptmnlo123per123 |
رد: *** البرئ و الجلاد - قصة واقعية بالصور ***
مش عارف الصور دي تضحك و لا تضايق ... لكن قلت تورينا احنا وصلنا لأيه .. و تخفف التوتر ..
على الاقل اللي جالي انا ptmnlo123per1127 http://www2.0zz0.com/2008/12/10/23/926373714.jpg http://www2.0zz0.com/2008/12/10/23/767553139.jpg |
رد: *** البرئ و الجلاد - قصة واقعية بالصور ***
ياعم المهم انك خرجت منها بالسلامه دى بلد بتاعت المعلوم
|
رد: *** البرئ و الجلاد - قصة واقعية بالصور ***
عايز ارد بس كل ماكتب رد اغيره
من الاخر البلد د ي مفهاش فايده النظام نفسه غلط 1- محتاج تصلح الشوارع و التخطيط و علامات المرور و توجد اماكن للركن و حاجاااااااااات كتير 2- محتاج ترجع الناس للدين و يتطبق القانون عالجميع و بفاعلية و عدل بعد ما تضبط اول نقطه لو سرقت فاطمه لقطع محمد يدها انا لو باشا كان كفاية بس بصه من تحت النظاره صح ؟ 3- محتاجين نلتزم بالقانون و في نفس الوقت ناخد حقنا انا مش مهتم اوي اني اخد حقي حاليا ،،،، الصراحة لان النظام الفاشل استحاله اعرف التزم بقوانينه فانا شايف ان كده الصفقة عادلة انا بفوتلهم حاجات و هما بيفوتولي حاجات و هيي ماشيه و خلاص لما يبقي فيه نظام سليم و واضح هاقدر التزم بالقوانين 100% و اطالب بحقي 100% و حاجة بقه شخصيه ، عمر الانسان قصير جدا فمش عايز اضيعه في خناقات ،، من الاخر انا بحسبها باله حاسبه تستاهل الوقت و المجهود اللي هاضيعه في الخناق و لا اوفر الوقت و المجهود ده في حاجة افيد اصل المنغضات دي مش حاجه و لا اتنين دي حاجاااااااااات كتير في البلد المهلبيه اللي عايشين فيها من المرور و الشوارع و التخطيط للتلوث للقذاره لمعاملات الناس للمعاملات الحكوميه للروتين لعدم النظام لعدم العدل للزحمة لل ......................... ...... و المنتديات دي اختراع ظريف اهه الواحد بيفش غله و يجيي يفضفض بالكلام مع حبايبه |
| الساعة الآن 12:52 PM. |
|
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017