تغطيه وصول و تجربه قياده هيونداي النترا و ازيرا 2012
 

السلام عليكم جميعا
النهارده جايبلكم تجربه قياده لعربيه طال انتظارها خصوصا في مصر
الا و هي الهيونداي النتر 2012 و معاها بالمره اختها الكبيره هيونداي ازيرا 2012

نبتدي الاول بال الازيرا
نشوف الصور مع بعض كده
http://i1115.photobucket.com/albums/...0/IMG_1035.jpg

http://i1115.photobucket.com/albums/...0/IMG_1036.jpg

http://i1115.photobucket.com/albums/...0/IMG_1037.jpg

http://i1115.photobucket.com/albums/...0/IMG_1040.jpg

http://i1115.photobucket.com/albums/...0/IMG_1038.jpg

http://i1115.photobucket.com/albums/...0/IMG_1039.jpg

طبعا العربيه امتداد لتصاميم هيونداي الجديده
و شخصيا شايفها طفره عن الموديل السابق و خطوه جديده من خطوات هيونداي
الغريب ان تم تصغير الموتور من ال 3800 ذو ال 283 حصان الي 3000 سي سي 250 حصان بس و ده غالبا لتفريقها عن الجنسيس علي الرغم من ان واضح ان الجديده اتقل و اكبر من القديمه
احسن ما عجبني فيها المساحات الداخليه و جوده التقفيل مقارنه بالمنافسين و اللي معجبنيش بصراحه فضائيه التصميم في الطابلون و ان كان فيه شبه الكبير فيه بطبلون الالنترا و ده اللي ممكن ميعجبش زباين الفئه دي
سعر العربيه المعروضه كان 7300 دينار و ده يضعها في منافسه مباشره مع الكامري و الالتيما و طبعا الكادينزا و اكتر ما يميزها عنهم هو التصميم الثوري و اللي اعتقد هيحوز علي اعجاب الشباب اكتر

نيجي بقي للعربيه اللي طال انتظرها
الالنترا الجديده
نبتدي بالصور الاول

http://i1115.photobucket.com/albums/...0/IMG_1041.jpg

http://i1115.photobucket.com/albums/...0/IMG_1042.jpg

http://i1115.photobucket.com/albums/...0/IMG_1046.jpg

http://i1115.photobucket.com/albums/...0/IMG_1047.jpg

http://i1115.photobucket.com/albums/...0/IMG_1045.jpg

http://i1115.photobucket.com/albums/...0/IMG_1044.jpg

http://i1115.photobucket.com/albums/...0/IMG_1043.jpg

طبعا التصميم الجديد اول ما يلفت النظر في العربيه
تصميم جديد و ثوري و شبابي من الدرجه الاولي و ان كان يليق للناس الاكبر سنا
طبعا جوده التقفيل و المساحات احسن من الموديل السابق
العربيه المعروضه كانت اول فئه و تقريبا مفيهاش حاجه
هي اوتو تريبترونك 6 سرعات و زجاج كهربا و جنط 15 و دمتم
طبعا المتور 1600 سي سي 130 حصان
بعد جدل بيزنطي مطول مع مندوب المبيعات عرفنا ان في فئه اعلي بس نزل منها عدد محدود للعرض و كلها اتباعت و في حسب كلام المندوب احتمال كبير متنزلش تاني
و الفئه ده تزيد عن العاديه بجنط 16, فتحه سقف, ABS,ESP,Key less entry, start stop button و اخيرا جلد
و بعد كلام كتير من مندوب المبيعات عن مميزات العربيه و تميزها عن المنافسين خصوصا الكرولا اللي واضح انه كان مضايق منها قوي و طبعا نص كلامه ملوش لازمه
المهم بعد حورات كتير انتم في غنى عنها قررنا نعمل تست دريف للعربيه و الجميل ان عربيه التست كانت الفئه الاعلي و اللي فيها كل حاجه

نيجي بقي للحظه الحسم تجربه القياده
عربيه التست زي ما قلت كانت اعلي فئه و كانت ماشيه 197 كيلو يعني لسه بشوكها
اول ملحوظه العربيه اتقل من القديمه و طلعتها تقيييييله و مبتجريش خالص و متحسش انها 130 ابدا
تاني حاجه صوت المتور خصوصا مع الشد كان عالي و ملحوظ بدرجه كبير
اخر حاجه و بصراحه الحاجه اللي ضايقتي من العربيه هي ميلان العربيه لل Body Roll بشكل كبير و دي حاجه غريبه بصراحه
العربيه لا توحي بالاطمنئنان و لازم تفكر كويس قبل ما تاخد ملف علي سرعه او تاخد غرزه رغم انظمه الامان زي ال ESP و مش عارف ايه السبب في ده علي الرغم من اني سقت الموديل الحالي و محشتس بالكلام ده خالص و ان كانت زي ما هو معروف خفيفه و ثباتها مش هايل
الجانب الايجابي هو كفائه الفرامل و راحه الركوب و الوسع
بصراحه العربيه كانت اقل من المتوقع و كنت حاطط امال و توقعات اكتر من كده لكن للاسف املي خاب
مش عارف هل العربيه مش مظبوطه و لا محتاجه تتلين ولا ايه بس عموما التجربيه مكانتش لطيفه

اتمني الموضوع يكون عجبكم
و اتمني بجد اني مكونش خيبت املكم من العربيه و راي انكم تاخدو التجريه ده كانطباع اولي

رد: تغطيه وصول و تجربه قياده هيونداي النترا و ازيرا 2012
 

اولاً اشكرك على التغطية المميزة

انا اول مرة اعرف ان الأزيرا لسة موجودة ... انا افتكرت انهم وقفوها و جابوا مكانها الجينيسس .. بس واضح من كلام حضرتك انها اقل منها و اعلى من السوناتا...
الإنتريور مبيعجبنيش اسود + بيج + سيلفر
ازاي عاملينها كدا ؟؟

الإلنترا... واضح من تجربة القيادة ان الـtorsion beam عامل شغله و شكلها سيراتو معدلة ... انا مش متفائل بالعربية دي... لأنها خطوة لورا بعد الموديل الحالي اللي تعليق الخلفي فيه multi-link

صناعة السيارات عموماً رايحة في اتجاه خاطئ ... و هو السعي للبيع و خلاص!

رد: تغطيه وصول و تجربه قياده هيونداي النترا و ازيرا 2012
 

رد: تغطيه وصول و تجربه قياده هيونداي النترا و ازيرا 2012
 

شكرا شريف باشا .. على الموضوع و الترتيب و الصور المنسقة و المرتبة

طبعا انت قلت كل المعلومات المهمة أنا بس هنقل انطباعى عن تجربة القيادة

اول حاجة يا جماعة العربية اوسع من سابقتها و اريح فى الركوب ... المساحات فيها مش بطالة خالص

تانى حاجة انها اتقل من القديمة و خصوصا فى نعومة الدركسيون و ده عاجبنى جدا جدا لأنى كنت بكره الحكاية دى فى القديمة و بحس انها عربية لعبة و طبعا اتقل برده فى الطلعة و المشى و برده انا ماتضايقتش من الحتة دى قوى

مالاحظتش صوت الموتور ده الا فى الشد فقط اما فى المشى العادى انا حاسس صوت الموتور عادى

طبعا اهم نقطة و هى التمايل فى المنحنيات اللى شريف باشا قال عنها و هى اكتر شئ سئ فى العربية الجديدة و اللى فعلا انا كمان حسيت بيها و مش على سرعات عالية ولا حاجة ....

العربية من برا شكلها وهمى و جامد جدا جدا ... اما من جوة بصراحة مش عاجبانى قوى المنحنيات الغير مبررة اللى فى التابلوة


و فيه ملاحظة صغيرة كمان ان فتحات التكييف اللى فى النص مكانها تحت بزيادة فا مبتعرفش تجيب الهوا فى الاماكن اللى الواحد عاوزها خصوصا لو طويل شوية

النظام الصوتى مش بطال و مش واو يعنى فى النص


عموما لو حلو مشكلة التمايل فى العربية دى مفيش شك انها هتبقى من اقوى المنافسين فى الفئة دى

و شكرا ليكم

رد: تغطيه وصول و تجربه قياده هيونداي النترا و ازيرا 2012
 

العفو يا زعيم
فعلا الازيرا كانت مفاجاه غير متوقعه و حتي اول سؤال سالته اومال الجنسيس لزمتها ايه بس واضح ان هيونداي عامله حسابها كويس
تصور مكنت اعرف ان الالنتر تورشن بيم انا كنت فاكرها ملتي لينك زي القديمه
و فعلا ممكن يكون هو سبب الشعور اللي حسيته ده
و بيني بينك ده خطوه طبيعيه في ظل التطور الحاصل لعربيات هيونداي لانهم برضه بيحاولوا يحافظوا علي رينج السعر اللي يخليهم يعرفوا ينافسوا
يعني زي ما تقول الحلو ميكملش
ربنا يخليك يا زعيم
سعيد ان التقرير عجبك