مشكلة تقطيع جامد في الكليو 2005
 

السلام عليكم, انا لسة جايب رينو كليو 2005 و العربية كان فيها شوية مصاريف وهقولكم ايه اللي عملته فيها و ايه المشكلة اللي عندي دلوقتي.
الاول المياه كانت بتنقص, الميكانيكي كشف ولقينا الطرمبة بايظة, بعد تغييرها واحنا بنجرب العربية لقينا العربية سخنة جدااااااا, و اكتشفنا ان حساس الحرارة كان بايظ وغيرناه.
لسة بمشي من عنده سمعت صوت تخبيط قالي ده الشكمان, روحنا لبتاع الشكمانات و قال ان عندي علبة البيئة و العلية الخلفية عايزين يتغيروا.
المهم قولت هعملهم كمان يومين, لكن النهاردة وانا طالع بالعربية لقيت العربية بتقطع جامد, يعني بدوس بنزين علي التاني كاني مش دايس و مرة واحدة العربية تنط و تسحب عادي.
وعندي مشكلة اخري ان التانك بيملي نصه فقط, و بيفضل يطلع البنزين بره العربية,
نسيت اقول ان البنزين خلص مني امبارح بسبب موضوع التنك و حطيط بنزين بالجركن و بعديها خدت 10 لتر فقط و الراجل قالي ان هيا بتنطر البنزين.

ارجو الافادة لاني مش فاهم اي حاجة في العربيات الحديثة لاني كنت راكب 131.

شكرا

رد: مشكلة تقطيع جامد في الكليو 2005
 

التقطيع دا غالبا يا بوجيهات يا سلك يا موبينة

رد: مشكلة تقطيع جامد في الكليو 2005
 

شكرا للرد و الاهتمام, انا روحت للميكانيكي و قالي ان طرمبة البنزين ضعيفة و غيرت ليها القلب فقط, و العربية بقت افضل بكتير, بس لسة حاسس انها مكتومة سنة بسيطة.
انا عندي مشكلة في الشكمان في علبة البيئة و العلبة الخلفية تقريبا لازم يتغيروا, هل ده هو اللي كاتم العربية شوية؟
و الميكانيكي بيقولي عندك الموتور خشن شوية, يعني ايه خشن شوية, وهل فيه اي حاجة اعملها دلوقتي علشان احل الموضوع ده ولا افضل استخدم العربية لغاية لما الموتور يجيب اخره؟

شكرا

رد: مشكلة تقطيع جامد في الكليو 2005
 

بص لو عندك علبة البيئه فيها مشكلة روح لبتاع شكمانات عشان غالبا علبة البيئه هايكون فيها فحم متكسر فا هوا هايفرغ الفحم ده عشان ده اللى بيكتم العربية وبياثر على سحبها وبعد كده حط العربية على الاسكانر واتاكد ان حساس الشكمان قراءاته مظبوطه عشان ده ليه تاثير فى ان العربية تقطع وهيا ماشيه وسحبها يكون ضعيف