|
خبراء وملاك الرينو سكالا
السلام عليكم..... ان شاء الله اننى بصدد شراء الرينو سكالا ولكن ارجو من ملاك تلك السيارة على المنتدى والخبراء ان يوضحوا مزايا وعيوب تلك السيارة من حيث الاعتمادية والموتور والعفشة والصالون الخاص بها والتكييف والمشاكل التى ظهرت بها والوكيل وقطع الغيار هل متوفرة ام لا وخدمة ما بعد البيع وهل فى الهاى لاين زجاج ملون"فميه" ام لا وهل هى افضل ام نيسان سوبر صالون الهاى لاين .....واسف على الاطالة وتقبلوا تحياتى:waving:
|
رد: خبراء وملاك الرينو سكالا
مفيش ردود وهذا يعنى ان السيارة ليست بالكفاءة المطلوبة وليست جيدة
|
رد: خبراء وملاك الرينو سكالا
الرينو فرنساوي . و النيسان حلوه برضوا عربيه ياباني و هي فعلا بتتقفل هنا و السكالا تقريبا بتتقفل في المغرب انما اصلها فرنسي و بصراحه العربيتي حلوين و بيحبوا الشغل الجامد |
السلام عليكم
شوف يا أخى انا استخرت الله و توكلت عليه و اشتريتها قبل العيد مباشرة
من اوراق السيارة و ما جاء فى الافراج النهائى هى صناعه كورى من البحث على النت هى نيسان صنى الموديل الحديث مصنعه تحت إشراف نيسان بمصنع سامسونج كوريا من السيارة نفسها السيارة موديل اللى انا اشتريته هو الهاى لاين 96000 بعد الخصم (عرض من رينو لأن سعره القديم 113000 جنيه) أهم ما يميزة فى أول 500 كيلو: شكل رائع / سيارة ناعمه جدا / صوت الموتور لايسمع/ تكنولوجيا روعه/ موتور 1600 سريع جدا للاستجابه/ فتيس استبترونيك روعه/ مرايات ضم تحكم كهرباء / طارة بها تحكم بالكاسيت/ راديو سى دى/ مفتاح الكونتكت الرائع منه مفتاح و ريموت سنتر و كمان فتح الشنطة/ فتح الشنطة و التانك من الداخل / شنطة واسعه و مضاءة / ال5 عجلات مقاس 15 جنوط رائعه رياضيه/ احزمة امانة حديثه/ 2 ايرباج/ فرش الصالون و الابواب جيد / مسند للذراع امامى و خلفى / حوامل للاكواب امامى وخلفى/ ضد السرقة / اماكن تخزين متعدده / إضاءات متعددة فى السقف/ التحكم فى مقعد السائق بعدة طرق / مساند رأس لكل الركاب / تسارع السيارة رائع و الأهم من وجهة نظرى تقفيل السيارة الرائع و الاريال المدمج مع الزجاج الخلفى / و البيانات المسجلة على قائم السيارة ان السيارة مصنعه طبعا لمواصفات دول الخليج كلها بما فيها السعوديه يعنى تكييف رائع و موتور قوى تحت ظروف الحرارة العاليه و انا مستعد للاجابه على اى استفسار فى استطاعتى |
رد: خبراء وملاك الرينو سكالا
مبروك يا باشا
انا برده حاطط العربية في دماغي فيا ريت تحكيلينا اكتر عن ثباتها و عزل الصوت و عفشتها ناعمة و لا لأ؟ انا موش هضحك عليك انا محتار بينها هي و الكيا ريو و ربنا يوفقك:waving: |
| الساعة الآن 10:20 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017