مش عاوز ارش بره ... اعمل ايه ؟؟
اشتريت عربيه نيسان 2007 و السقف البويه بتاعته بهتت جدا لدرجة ان تقريبا معادش فيه دهان . و انا مش عاوز ارش العربيه علشان متبقاش معيوبه . لأن كلمة راشه نظافه اصبحت زيها زي راشه وساخه . حد من اهل الخبره عنده حل ؟؟؟؟
مع خالص شكري و تقديري |
رد: مش عاوز ارش بره ... اعمل ايه ؟؟
مبديئا المشكلة مبتبقاش فى الرش نفسه المشكلة فى اثار الرش هى اللى بتهين العربيه ولما العربيه تتهان من فوق بتبقى واضحة جداً علشان كدة رش السقف مشكلة لكن لو فى مركز نظيف ممكن تتعالج وتترش ورنيش بس وبرضو بفينش ممتاز هتبقى زى الزيرو ان شاء الله
|
رد: مش عاوز ارش بره ... اعمل ايه ؟؟
السلام عليكم رشها في التوكيل والله المستعان |
رد: مش عاوز ارش بره ... اعمل ايه ؟؟
هو الجديد دلوقتي انها لما ترش بره تبقي معيوبه
امال جوه تبقي ايه وعربيتك 2007 بقالها 7 سنين هتخليها لامتي فابريكا بس عامه عندك حلين ياترش العربيه كلها ماعدا السقف حتي لو مكلح اووي سيبه اما تروح تجلد العربيه كلها كربون وتريح دماغك واسمك عملت تغيير ولما تيجي تبيع تبقي تشيل اللزق وتقولهم براحتك انها فابريكه بره ومش معيوبه اما تبيعها علي كده وشايف بروفيلك انك من الغردقه وللعلم لو انت قاعد في الغردقه باستمرار وعربيتك مكشوفه علاطول يبقي توقع كده من اي عربيه خامات بويتها مش حلوه حتي لو فابريكه لان الشمس في الغردقه فظيعه وانا كنت شاري عربيه من هناك كده السقف والشنطه والكابوت علي الصاج |
رد: مش عاوز ارش بره ... اعمل ايه ؟؟
رأيى من رأى أبو نورا
ترشها رشة نضيفه, رش من غير معجون طبعاً موضوع الكربون بيخلى شكل العربية خطير بس فيه عيبين: - هيلم تراب بسرعه و بغباااااااء - لو حته إتقشرت منه هيخلى شكل العربية ... من غيره أحسن أعانك الله |
الساعة الآن 06:11 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017