مصر موتورز مجتمع السيارات - شرح مبسط لإختبار القيادة فى المرور ( الرخصة الخاصة )

السلام عليكم ورحمة الله وبركاتة
شرح الاختبار :-

الاختبار بيبقى عبارة عن حرف s
1- الاختبار الاول انك ممكن تدخل حرف الـ s من بدايتة وتخرج من نهايتة طبعاً بدون لمس الاقماع الحمراء ونصيحة ظبط نفسك وانت بتسوق انك تاخد بالك من الاقماع الى على شمالك وتكون قريب منها بس ما تلمسهاش والى على يمينك ماتشغلش بالك بيها خالص ويبقى كدة انت تمام ومبروك عليك .
* وبعد كدة تدخل على امتحان الاشارات ودايما بيسألوا فى الاشارات الممنوع دايماً ( ممنوع الوقوف - ممنوع الانتظار - ممنوع الخول يميناً -................. )
2- الاختبار التانى تدخل من بداية حرف الـs مثلاًتدخل على طول شمال فى شمال نص دايرة وبعدين على طول ثم التوقف والعودة للخلف ثم يمين فى يمين وتخرج من حرف الـ s .
* وبعدين اختبار الاشارات

= عن تجربة يوم السبت بيبقى زحمة وبيختبر حرف الـ s بدون رجوع
= يوم الخميس تروح بدرى علشان بيبقى نص يوم وبيبقى فية عدد قليل ويبقى الاختبار فية رجوع للخلف .
أرجو ان اكون قدمت ما يفيد أعضاء المنتدى من المقبلين على استخراج الرخصة الخاصة
حاولت ارفع صور للاختبار بس والله معرفتش
وللمنتدى والقائمين علية جزيل الشكر

[IMG]file:///C:/Users/IT-KHA%7E1/AppData/Local/Temp/msohtmlclip1/01/clip_image001.png[/IMG]