|
باركولي جبت تيريوس و سؤال لخبراء التيريوس
بسم الله الرحمن الرحيم باركولي يا شباب جبت تيريوس بلاتينيوم G اللي هي أول فئة في البلاتينيوم :HAPPY_~211: بس ما لقتش فيها كاسيت ولا مرايات كهرباء ولا اير باج فهل هي كده اصلا من غير كاسيت ولا مرايات كهرباء ولا اير باج ويا ريت لو حد يعرف اسعار تركيب الحاجات دي في التوكيل مرايات كهرباء عتب جنوط سبور سبويلر نور شبوره وشكرا ليكم يا شباب |
رد: باركولي جبت تيريوس و سؤال لخبراء التيريوس
بعد ازنك
ممكن تقولنا سعرها بالظبط واية الفرق بينها وبين التريوس العادية وانطباعك اية عنها بعد ماشترتها من ناحية العفشة استهلاك البنزين الثبات بعد 120 كيلو شاكر ليك مقدما |
رد: باركولي جبت تيريوس و سؤال لخبراء التيريوس
اقتباس:
اولاً : الف مبروك على العربية الجديدة ... اختيار موفق بجد .... ثانياً : ايه اللي خلاك بس تجيب اول فئة ... ؟ لو ميزانيتك محدودة فغصبن عنك جبت دي ... يبقى مش ح اتكلم و برده نقول الف مبرووك ... ثالثاً : انا معايا الفئة الأعلى ( كل الكماليات بالاضافة الى شاشتين lcd ما عدا abs و الاير باج ) ..... اما الفئة اللي معاك فهيا كدا فعلاً ... لا فيها كاسيت و لا اير باج و لا مرايات كهربا و لا دياولو ... رابعاً : الحاجات اللي انت كاتبها بالنسبة للتركيب في التوكيل سهلة .... بس ح تدفع مصاريف متلتلة ....... ما هو علشان كدا باقولك كنت جبت الفئة الأعلى اللي هيا Platinum GX Limited Edition .... :) اما اسعارها فمقدرش افيدك الصراحة ... لكن طبعاً ح تكون غالية , لانك اشتريت عربية ياباني ... و مش اي عربية ياباني برده ... دي دايهاتسو تيريوس :) الف مبروك على العربية الجديدة .. و صدقني ح تنبسط منها جداً و حترتاح فيها :) |
رد: باركولي جبت تيريوس و سؤال لخبراء التيريوس
اقتباس:
ثانياً : الفرق ما بينها و بين التريوس العادية ( لو انت قصدك القديمة ) , فانا مقدرش افيدك لاني مسقتش القديمة . ثالثاً : - استهلاك البنزين موفر الى حد ما .... - الثبات بعد 120 كيلو : العربية ثابتة جداً جداً ... انا اكلت مطبات على السرعة دي على فكرا و الحمد لله مجراش اي حاجة و العربية زي ما هيا ... بجد التريوس دي قمة الثبات .... :) لو في استفسار عن اي حاجة في العربية , ممكن تشوفوا الموضوع دا : http://www.masrmotors.com/vb/showthread.php?t=16477 ح يفيدكم جداً بجد :) |
رد: باركولي جبت تيريوس و سؤال لخبراء التيريوس
مبروك ياباشا وان شاء الله العربيه يكون وشها حلو عليك بس انا مع الاخ اليوس انت كنت بدل ماتركب الحاجات دي كنت اخدت الفئه الاعلى وارتحت بس الف مبروك وعاوز اقولك العربيه دي لذيذه وحلوه ومجربينها احنا هنا في الامارات في الرمله عاوز اقولك والله جامده واعتماديه وكمان ثابته اللي عندنا برضه نفس الموتور الف مبروك وربنا يكفيك شرها يارب
|
| الساعة الآن 09:24 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017