مقارنة بين البيجو307 موديل2006 والانسر البومة 2008
 

من فضلكم
عايز اشتري بس احسن البومة 2008 زيرو ولا البيجو 307 موديل 2006 بحالة رائعة وجميع الكماليات مميزات وعيوب كل منهم
ولكم جزيل الشكر والاحترام

رد: مقارنة بين البيجو307 موديل2006 والانسر البومة 2008
 

يا باشا فرق شاسع بين الاثنين ليه ؟؟

اولا التكنولجيا في ال307 عاليه جدا

اما في ال لانسر تكنولجيا متوسطه

بالنسبه للموتور

ف الموتورين معمرين جدا

بالنسبه لقطع الغيار فا قطع غيار الانسر ارخص نسبيا من ال 307 بسبب انتشار السياره

و لو سعر ال 307 مغري توكل علي الله او لو الفرق بسيط يبقي الزيرو احسن لان الزيرو زيرو برده

رد: مقارنة بين البيجو307 موديل2006 والانسر البومة 2008
 

شكراااا علي الرد ولكن برجاء رد مستفيض اكثر واوضح وأشمل من كدة بمعني الدخول في تفاصيل المميزات ل بيجو 307 وأيضا الانسر 2008 علما بان سعر البيجو 307 95000 وكاملة فول أوبشن وأيضا 3 شاشات dvd ,وعاملة حوالي 45000 كيلو
مع خالص الشكر

رد: مقارنة بين البيجو307 موديل2006 والانسر البومة 2008
 

انا سمعت يانور ان 307 ثباتها ضعيف ولما بتتحمل ركاب بتعوم هل فعلا الكلام ده صحيح ؟

رد: مقارنة بين البيجو307 موديل2006 والانسر البومة 2008
 

يا باشا بالنسبه للثبات الكلام مش صحيح اطلاقا

لان اولا ال 307 في منها 3 موديلات

في الهاتشاباك و معروفه ب اسم xt

و في منها الاستيشن و معروفه ب اسم sw

و في منها الكابروليه و معروفه ب اسم cc

و ال xt و ال cc نفس مقاس قاعده العجلات

اما ال sw فهي قاعده عجلات اكبر طبعا فابلتالي

اكيد ال sw ثباتها اكبر من ال xt

و ثانيا

الكاوتش بتاع ال 307 عرضه 205 و ارتفاعه 55 و مقاس الجنط 15

فا برده ده عامل يزود الثبات

و ازاي العربيه تبقي كامله العدد و تعوووم ؟؟

و بالنسبه لل 307 ف موتورها 110 حصان و عزمه 155 نيوتن

السرعه القصوي حسب الكتالوج 190 كم/س

و التكييف بتاعها ثلاجه فعلا

و شاشه اعطال

و لو قدرت توصل ال 307 90 الف يبقي توكل علي الله بس اعمل كاشف علي العربيه في التوكيل ب 150 جنيه ايوه بس امان برده