الجالينا إللي طايرين بيها
 

ده إختبار السلامه في الحوادث إللي بيتعمل لكل عربية في الدنيا والرابط ده لإختبار السلامه للعربيه بريليانس جالينا (على فكره أهم حاجه في سلامة تصميم أي عربية هوه حماية المقصوره إللي فيها الركاب بحيث يتم توزيع قوة الصدة على أجزاء السيارة بعيدا عن مقصورة الركاب لحمايتهم) وده الرابط اللي حيوضح للكل مدى سلامة الجالينا بالنسبة للركاب

http://www.youtube.com/watch?v=M89J5aAIbjA
وطبعا بعد ما إتفرجنا على الرابط اللي فات نستخلص من كده إنها ياجماعه عربيات ورق

وعشان تعرفوا الفرق حندي مثال آخر مش واو يعني عربيه ياباني عارفين كلنا إن صاجها خفيف ويمكن أخف من الجالينا (تويوتا كورولا) ولاحظوا مدى سلامة التصميم في حماية من بداخل السياره

http://www.youtube.com/watch?v=8DvKJ5VoOs4

إحنا ماقرناش بالألماني ولا أمريكاني إحنا قارنا التصميم بعربيات بيتقال عليها برضوا ورق

أنا مهندس لذلك ممكن تلاقوني عمال أتكلم على سلامة التصميم وتوزيع القوى وده بحكم شغلي يعني ممكن تبني برج كبير وعمدانه كتير بس مفيش توزيع مظبوط للقوى فينها ببساطه وبرج تاني أكبر منه وعمدانه أقل بس توزيع القوى مدروس جيدا ويستحمل أكتر
كذلك تصميم العربية التربزه الكرسي الطياره الإبره كله لازم يكون مدروس علميا صح
...................... وشكرا

رد: الجالينا إللي طايرين بيها
 

رد: الجالينا إللي طايرين بيها
 

تمام الكلم لكن على فكرة زى ما قال اخى العزيز ابو نوار بريليانس اعادت تصميم سلامة السيارة وجودة الامان والسلامة واجتازت اختبار السلامة والفيديو موجود على اليوتيوب احقاقا للحق وهذا بديهى لان بذلك السيارة لن تجد لها اسواق كبيرة مثل الاسواق الامريكية والاوروبية وسمعة السيارة مرسيدس نفسها الفئة اى لم تجتاز اختبار التوازن فى نهاية عقد التسعنيات وكانت فضيحة مدوية بجلال وايضا تويوتا هاىلوكس النصف نقل البيك اب اختبار الامان فى المنحيات لم تجتازة وارتفعت السيارة بشكل مروع فى حين تفوقت عليها الميتسوبيشى وهكذا وشكرا اعزائى

رد: الجالينا إللي طايرين بيها
 

يا جماعة انا لسة شايف جالينا كانت راكنة قدام عربيتى امبارح و الشبكة الامامية ذات اللون السلفر مقشرة و باين من تحت التقشير البلاستيك الرردئ المصنوعة منه الشبكة .... (بصراحة اول مرة اشوف عربية كدة فى حياتى).....
وبصراحة كدة كمان الواحد لما بيركب قطعة غيار صينى فى عربيته بيبقى مش مطمن و هو ماشى ... تخيل بقى لما العربية كلها تبقى صينى .......

رد: الجالينا إللي طايرين بيها
 

احب اوضح لحضرتك حاجة ياريت حضرتك تبحث عن الفيديو لجديد بتاعها
وليه حضرتك تضور
اصلا معظم الناس بتجيب الفيديو الاول مابتجيبش الفيديو التانى
رابط الفيديو
http://www.youtube.com/watch?v=bPw26Nfze_Q
وبالنسبة للناس الى بتقول انها غير امنه
انا معايا البريلينس الfrv وعملت بيها حادثة والحمد لله انا ماحصليش خدش والعربية الرفرف والاكصدام اتظبطوا والمقص بتاع العجلة اتصلح
وبالنسبة للجيتز الى خبطتنى الراجل نازل متعور وهيغير نصف امامى للعربية
يبقى مين الاحسن
وبعدين انا انبارح كنت هعمل حادثة فظيعة ولولا ستر ربنا وبعد كدة نظام الفرامل الى ساعدنى فى الهروب من الموقف وانا دايس فرامل على الاخر
فأنا بحمد ربنا على العربية ديه وربنا يباركلى ويبارك لكل مالكيها فيها
وعايز اوضح حاجة انا معايا frv 1.3 و frv 1.6
العربية مابتريحش انا بعمل بيها يوميا 200كم وسط البلد والعربية يادوبك بليل بتتقفل والعربية بسم الله ماشاء الله زى الفل مع العلم ان كان معايا اللانوس قبل كدة كنت لما اعمل 100كم فى اليوم كانت بتتقل وكانت جديدة 2005