مشكلة فى 1994 325 .. برجاء المساعدة قبل الترخيص
بداية الموضوع دا انا كتبته فى منتدى اخر بس لسه موصلتش لمساعدة واضحه فا قررت اكتبه هنا برضه لانى مستعجل و عايز رأى قبل معاد ترخيصى اللى خلاص قرب.
انا مش فى مصر ، و عندى هنا فى الترخيص فحص للعادم و لعلبة البيئه و مينفعش اشيلها . الموضوع اهو معايا 325I 1994 اوتوماتيك .. عامله 272.000 كيلو ، لسه شاريها. دلوقتى انا جايب العربيه عشان اصلحها ، بس فى شوية مشاكل كدا عايز رأى الناس فيها لو تكرمتم . والموضوع و الله العظيم عاجل فعلاً لانى لازم ارخص خلال ايام ولو معدتش كشف العادم هبقى كدا فى مشكله كبيره . دلوقتى الزيت تمام و الانتى فريز فى الريداتير تمام ( على وشه بس شوية مواد مش عارف هى ايه لانها شبه الزيت بس مش زيت ) . الموتور بيدور بسهوله جداً ( و ثابت فى مكانه بنسبة 100% ) ، الايدل زى الفل و مش ناشف ، و الفتيس كويس بنسبه كبيره مش سىء اوى ، لكن المشاكل بقى هنا ... 1- الشكمان بيطلع يعنى حاجه زى الزفت ، ريحة بنزين نى كتير لدرجة انى لما قربت اشم دوخت و كنت هرجع ، و بيطلع هباب اسود بس مش دخان اسود .. الدخانه بيضه ( درجة الحراره فى حدود 11-12 خارج السياره ) . 2- لما بفتح التكيف سخن او ساقع بيطلع ريحة وحشه ، عاملة زى ريحة الانتى فريز لما بيكون محروق .. زى لما الريداتير يسرب و التسريب ينزل على حاجه سخنه .. 3- التكييف فى الساقع بيبقى سخن معظم الوقت و ساعات يسقع بمزاجه . و مش ساقعه اوى يعنى ، مع انى ببقى عامله عالاخر لحد اخر الازرق ، فهل دا مؤشر ان الهيتر كور يكون بايظ ؟ او فى تسريب ريداتير عليه ؟ . 4- حسيت انا و صاحبى بدوخه شويه ( مش عارف من الريحه اللى جوا العربيه و عشان شمينا الشكمان ، فانا خايف يكون فى كربون بيسرب جوا العربيه .. لكن مش عارف لو بيسرب هيكون منين ؟ ماهو المفروض قبل علبة الشكمان اللى فى النص ( الكاتالايتيك كونفرتور ) .. لكن حتى لو بيسرب منها هيجيلى ازاى من غير مافتح التكيف ؟؟ . الحلول اللى انا اقترحتها على نفسى .. بما ان العربيه كدا مش هتعدى كشف العادم فى البلد اللى انا فيها .. فانا بفكر فى التالى .. احط سى فوم ( علبه سائل بينضف الكربون الى حد ما من الموتور ) .. و احاول اعدى بيها الكشف و بعد كدا ربنا يحلها . اغير سينسور الاوكسجين اللى فى بطن العربيه . اروح اكشف على اى تسريب فى الشكمان هغير البوجيهات كلها للبوجيهات دى .. NGK (2288) BKR6EK Standard Spark Plug, Pack of هغير زيت لـ MOBIL 0W-40 و فلتر مان. لو فضلت القصه كدا هضطر اغير الكاتليتيك كونفريتر مع انى مش عايز لانه بشع فى سعره عندى . ارجوكم اى اقتراحات للاهميه . |
الساعة الآن 09:17 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017