رد: survey :- ايه انسب عربية في مصر
 

( انا بصراحة شايف ان مصر محتاجة عربية تكون عالية , عفشتها تستحمل, يستحسن موتورها يكون صغير عشان غلو البنزين و كدة كدة السرعة فى مصر لا تزيد عن صفر , تكون عضمها ناشف عشان الخبطات اللذيذة جدا,
قطع غيار متوفرة و اسعارها معقولة و اسعار الصيانة تكون معقولة)
ياترى ايه العربية الجديدة حاليا بالمواصفات ده

رد: survey :- ايه انسب عربية في مصر
 

قبل ما نسال السؤال ده.. الاول نتعرف علي نوع الشوارع وطريقة القيادة وهل انت سائق عصبي ام هادئ مهما حصل ... هل بتحب تاخد المطبات بسرعة ام براحة ...في جراج ام حترميها في الشارع ..هل بتخاف من الخرابيش هل يهمك الركن في الشمس ام لا... بتخاف تاخد ملفات علي سرعة عشان الكبالن مطئطئش... مبتحبش تحمل العربية ركاب عشان المساعدين والعفشة.. بتخاف تمشي علي الازاز والمسامير وامام محلات المنجدين والبلاليع المفتوحة...الخ اعتقد ان الاجابة بئت اسهل دلوقت وهي الايم ستين اللي عبرنا بيها خط بارليف علي جنازير ومفيش كاوتش ومصفحة بالكامل من كل الجهات تمشي بيها علي اي ارض وتركنها في اي مكان.. ياريت يعملوا منها نسخة للمدينة أأقصد خاصة بشوارع مصر المحروسة..

رد: survey :- ايه انسب عربية في مصر
 

انا رأيى بصراحة
1- شاهين
2- فيات بأنواعها القديمة

اما بالنسبة للفئات الأعلى : لانوس - فيرنا - كورولا

رد: survey :- ايه انسب عربية في مصر
 

أنا بصراحة مش مقتنع بنتائج التصويت حتى الآن
معقول يا جماعة ولا صوت للأكسنت و الإلنترا ؟؟؟؟؟؟؟!!!!!!!!!!!!!
عموماً أنا هصوت - و ألم الناس- على النحو التالي (مع ملاحظة أني لست خبيراً جداً بأحوال السيارات في مصر لأنني لا أملك سيارة في مصر و إنما خارجها) :

1- أفضل سيارة اقتصادية صغيرة : كيا ريو
أفضل سيارة صغيرة على الإطلاق : هوندا جاز بلا منازع
2- أفضل سيارة اقتصادية: كورولا - إلنترا
3- أفضل سيارة كبيرة: كامري
4- أفضل سيارة دفع رباعي صغيرة: هوندا CRV
5- أفضل سيارة دفع رباعي كبيرة: ولا أعرفه يا حضرة الظابط

أفضل و أنجح سيارة تاريخياً في مصر: بيجو 504 ... لسه بتجري من تلاتين سنة يا إخواننا و سعرها في مصر يقترب من ثمن سيارة صغيرة جديدة (زي الألتو والسبارك) في أي حتة في العالم .................زإلا مصر.

رد: survey :- ايه انسب عربية في مصر
 

انا معا اللانسر يا جماعه 100ْx100
انا معايا اهى بقالها سنه ونص وعامله 53 الف ك مع العلم انى ما غيرت فيها غير الزيت والفلاتر بأنواعها ومن اسبوعين فاتو جايب بيها 200 ( السرعه ) على طريق العين السخنه الجديد . انا بعتبر العربيه دى فى حد ذاتها اختراع ومناسبة جدا للشوارع المصرية .

انا مع اللانسر
المرسيدس