مصر موتورز مجتمع السيارات - افضل عربيه 4*4 فى حدود 65 الف

انا مش حفيد حضرتك كتير ... علشان انا مش معايا اى من السيارتين ... بس عندى بعض المعلومات العامة عن السيارتين

لازم حضرتك تدور كتير و على مهلك ... و تتفرج كتير و تسأل كتير ... على الانترنت و على الطبيعة

الشيروكى ....
http://www5.0zz0.com/2013/12/01/20/676409947.jpg
حضرتك تقصد الشيروكى من موديل 1993 الى 2001
عربية شكلها حلو ... و حجمها معقول جدا ... و مطلوبة دائما و ليها سوق كويس ... لأنها منتشرة جدا فتلاقى قطع غيارها بسهولة
منها4 سلندر 2500 سى سى او 6 سلندر 4000 سى سى
الاوبشنز فيها معقول جدا .... و قطع غيارها متوفرة .. فيه منها الهندى و الاصلى و الاستيراد
و من عيوبها ..... ضيق الكابينة الواضح جدا ... و خاصة الكنبة الخلفية ... ياريت حضرتك تجرب بنفسك الجلوس فى الكنبة الخلفية
الحساسات الكتير ... و دى احيانا بتكون مشكلة لما الحساسات دى بتبوظ

اعتقد فيه مواضيع قديمة كتير عن الشيروكى فى المنتدى

الفرونتيرا ...
عربية من انتاج شركة ايسوزو اليابانية ..... و كالعادة .. شيفروليه بتنزلها فى الشرق الاوسك باسم فرونتيرا ... و بتنزلها فى اوروبا باسم تانى ...
http://www5.0zz0.com/2013/12/01/20/597008910.jpg
الكويس الى فى الفرونتيرا انها على شاسيه الدبابة .... فعضمها كدة اقوى من الشيروكى
بس الاوبشنز فيها مش كتير زى الشيروكى ... يعيبها شكلها القريب من الدبابة .... فيه ناس كتير مش بتحبها علشان شكلها
و فيه ناس كتير كانت بتنصح تسقط فيها موتور الدبابة الديزل ... و فيه ناس تانية مش بتشجع الفكرة دى على الاطلاق

كانت فيع عربية معروضة على من سنتين ب 80 الف جنيه ... حالتها كانت كويسة جدا
لو اتساوت الحالة بينها و بين الشيروكى ... انا اختار الفرونتيرا ... و اعتقد انها غالية شوية عن الشيروكى

ان شاء الله احد الاخوة الاعضاء يفيدك اكتر