العربيه اتخبطت :(
 

السلام عليكم


كانت واقفه في امان الله و كنت عند صديق في واجب تعزيه

نزلت لقيت الفانوس الخلفي شمال مدغدغ و الرفرف الشمال تحت الفانوس مفروم عامل زي ما يكون ورقه و كرمشتها

انا اصلا افتكرت ان دي عربيه تانيه واقفه ورا عربيتي :)

المهم قدر و ما شاء فعل (الحمد لله)


عاوز اعرف سعر الفانو الخلفي لانوس 2 بكام المهم يكون لونه ما بيغيرش ولا تفرق معايا اصلي ولا مش اصلي

و اجيبه منين من السكندريه

تاني حاجه متهيئلي لو غيرت الرفرف حتضر اقطع في الصاج ولا ممكن تترد على السخن

افيدوني افادكم الله
<!-- / message -->

رد: العربيه اتخبطت :(
 

ياباشا ممكن صوره علشان نقدر نفيدك بالظبط

رد: العربيه اتخبطت :(
 

مش هنقدر نكلم الا فعلا لو شوفنا صور للخبطه

رد: العربيه اتخبطت :(
 

قدر الله و ما شاء فعل
انا برضه ركنت الياريس في المقطم 4 ساعات نزلت لقيت عربيه بتنزل رمل لطشت حته من الشنطه و الرفرف الخلفي:(
بس انا دعيت علي اللي خبطهالي دعاء يهد جبال بجد ربنا يجعله من نصيبه .
المهم بالنسبه للفانوس بتاع اللنوس لا يتعدي ال 150 او 200 جنيه
و هات اصلي احسن مش صيني علشان لونه ما يغيرش بعد كده و يبقي فاتح
و الرفرف الخلفي مش بيتغير هو حيتسمكر و يترش مافيش فيه مشكله
الرفرف الخلفي مش بيتغير غير في حالات نادره جدا