اى حد عندو معلومه عن اوبل فيكترا يا ريت يتفضل و يشارك
 

السلام عليكم

انا الصراحه عايز اشترى عربيه بس مش عايز اجيب يابانى عشان بيقولو مش ثابت اوى زى الالمانى

فانا بفكر فى اوبل فيكترا من موديل 2000-2003

انا سامع ان العربيه دى اسطوره على الطريق و فرق كبير بينها و بين اليابانى

بس بردو سمعت ان قطع غيارها غاليه نار

انا معايا عربيه ستروين c3 و بتعامل مع عز العرب و هو توكيل يخليك تكرهه العربيه وش و غالى موت

يا ريت اى حد عندو معلومه عن العربيه الاوبل يضيفها و قطع الغيار و التوكيل ايه اخباره

كمان انا بفكر فى ال 2000 سى سى الهى cdx ايه الفرق فى الكماليات عن ال gls

,وهل ال 2000 سى سى بتسحى بنزين اكتر من ال 1600 بكتير ولا فرق بسيط

شكرااااااااااااااا

رد: اى حد عندو معلومه عن اوبل فيكترا يا ريت يتفضل و يشارك
 

بس يا باشا أنا هقولك على أد معلوماتى
أنا معايا فيكترا 1997 2000 سى سى-- سى دى
العربية تحفة و ثبات لا يوصف
الجى ال اس بتكون 1600سى سى بس و الأوبشن طبعا
السى دى اكس
كماليتها كالتالى:
4 زجاج كهرباء تاتش
طارة مالتى فانكشن
مثبت سرعة
اير باجز
كراسى جلد
كراسى كهرباء
كرسى السائق و الراكب الأمامى مدفئين
فتحة سقف
مقود تليسكوبى
مرايات ضم كهربية
كاسيت باناسونيك مزود ب 6 سى دى اتشانجر
5 مخادع رأس
5 أحزمة أمان ثلاثية التثبيت
قطع الغيار غالية بس معمرة تركبها و تنساها
الموديل من أول سنة 2000 اللى حضرتك بتتكلم عليه مزود بموتور الايكو تيك اللى بيطلع 139 حصان و استهلاكه للبنزين أحسن من الموتور بتاعى بمراحل طبعا و ان كان بطبيعة الحال أعلى من ال 1600 سى سى
أهم حاجه ان السى دى اكس ألمانى تماما و مفيهاش تقفيل مصرى
التكييف بتاعها أحسن من اللى عندى بكتير
من كلام مهندسى التوكيل الفتيس تحفه و مبيعملش مشاكل
سحب العربية أكتر من ممتاز
ده كل اللى أنا فاكره حاليا و أرجو انى أكون أفدتك

رد: اى حد عندو معلومه عن اوبل فيكترا يا ريت يتفضل و يشارك
 

يا باشا انت افدتنا كلنل
ربنا يبارك فيك
انا كمان نفسى اجيب فكترا 2000 سى سى وبيعجبنى قوى شكل مو 96
اكتر من الموديل اللى بعده
انا مستنى بس اكمل تمنها




تحياتى للجميع

رد: اى حد عندو معلومه عن اوبل فيكترا يا ريت يتفضل و يشارك
 

الله يبارك لك يا باشا حقيقى معلومات لخصت كل ما يحتاج يعرفة أى ساءل عن العربية

و انا منهم

الحقيقة العربية فعلا تحفة

فقط يعيبها نظام المرأة فقط لاغير لان مساحة الرؤية منها ضيقة

كما انها عرضة للكسر بسبب عدم ضمها فى حال ان يكون المرور فى مكان ضيق

اقصد غير الانسر مثلا المراية تضم عادى دون ضرر فى حالة صدها فى مراية عربية اخرى

رد: اى حد عندو معلومه عن اوبل فيكترا يا ريت يتفضل و يشارك
 

يا دكتور موديلات من أول 2000 و انت طالع مرايتها ضم سواء عادى أو كهرباء
و ان كان يعيبها فعلا صغر المساحة المكشوفة من خلالها
بس مع التعود بتبقى عادى