لمبه ال check engine ف النيواكسنت mc
 

السلام عليكم ورحمه الله وبركاته

العربية نيو اكسنت 2008 mc
لمبه التشك بتاعت الموتور مش بتنور خالص
حتى لحظة ما بفتح الكوناتكت ولمبات العدادات كلها بتنور للحظة وتطفي برضه مش بتنور

بحثت ف الموضوع لقيت فعلا ان كل ملاك العربية بيقولوا انها مفيش فيها لمبه تشك للموتور مع العلم ان رسمه اللمبه موجوده ف العداد بس مش منورة خالص
ولكن في بعض المواضيع لقيت محاولات من احد المالكين بانه فك العداد وبص عليه من ورا لقى مكان اللمبه مفيش فيه لمبه قام شايل لمبه ولقي فيه لمبه ف مكان ال abs قام حاطط دي مكان دي وشغل لمبه التشك انجن

السؤال بقى
هل لو عملت كده المنظومه ولمبه التشك انجن هتكون شغاله فعلا ولا مجرد اني شغلك لمبه فقط تنور وتطفي وبس كده؟

رد: لمبه ال check engine ف النيواكسنت mc
 

اللمبه هتشتغل فعلا وسهل انك تعرف
وانت واقف ومدور العربية افصل حساس البوابة لو اللمبه نورت يبقي شغاله - او افصل حساس الهواء عشان فبه عيوب بتظهر من مرتين مش من اول مره

رد: لمبه ال check engine ف النيواكسنت mc
 

هو عموما انا عملت الموضوع دة وفعلا اللمبه بتنور وتطفي عادي بس محصلش معايا ولا مره انها نورت ان فى ايرور

رد: لمبه ال check engine ف النيواكسنت mc
 

الحمد لله اللمبه اشتغلت
اتبعت ارشادات الموضوع وفكيت العدادات و نقلت لمبه ال abs لمكان لمبه ال انجن والحمد لله اشتغلت

بس ايه السبب من الاساس انهم مش حاطنها؟؟؟
بخل توكيل ولا ايه؟

رد: لمبه ال check engine ف النيواكسنت mc
 

انا معايا اكسنت 2010 مفيش فيها المشكلة ديه