الماروتى غرقت فى الاسكندرية
 

النهاردة يوم الثلاثاء 18/1/2011
كان الجو جميل جداا و الدنيا طبيعية يعنى مش بتشتى و لا اى حاجه و كنت ماشى على طريق البحر لا بيا و لا عليا بدأت تنقط شوية بسيطه
و مرة واحده لقيت سيول على العربية
المهم ماهتمتش يعنى لما قربت ناحية البيت
و الساعة كانت حوالى 12 بالليل مشيت فى شارع لقيت العربية قاعدة تنزل فى الميه تنزل تنزل لحد مالقيت الشكمان بدأ يطلع فقاقيع هوا تحت الميه و العربية تقلت اوى و بدوس بنزيين جامد و العربيه برده بتنزل الميه وصلت للزجاج الجانبى و الامامى و تقربياا العربية كللها بقيت تحت الميه
انا مشيت تحت الميه بالماروتى و العربية تقيله جداا
حارق على الاول و المهم طلعت من الميه
وركنت
اللى حصل بقى كاالاتى
اولاا العربية مادارتش تااانى
ثانياا السنتر لوك مش بيعمل صوت خاالص
ثالثاا فتحت الكبوت لقيت ميه مغرقه الدنيا
رابعاا مش عارف حيحصل ايه تانى عشان معرفتش افحصها كويس عشان الدنيا كانت سيووول و ان شاء الله حصور الشارع ده بكرة
و حيكون الميه جفت شوية بس لازم تشوفوه

رد: الماروتى غرقت فى الاسكندرية
 

رد: الماروتى غرقت فى الاسكندرية
 

اغيرلها زيت حتى ولو الزيت كااامل ومش ناقص؟؟

رد: الماروتى غرقت فى الاسكندرية
 

اكيد طبعا !

لا اله الا الله

فى حد برضو يعمل كده يا غالى ..

على فكره متستهونش بالموضوع لأنه خطير وممكن تجيب موتور لا قدر الله ...

عموما اوعى تحاول تدورها دلوقتى خالص قبل ما تغير الزيت ..

انت مش هتغيره علشان استهلك .. انت هتغيره لان غالبا دخل عليه ميه والميه دى هتبهدلك الموتور ...

ده غير ان ممكن يكون حصل قفله فى الضفيره (انت بتقول السنتر مش شغال)

هل الانوار كانت شغالة ؟؟

هل المارش اشتغل ومدارتش ؟؟



عموما اهم حاجة دلوقتى تغيير الزيت ...

وعموما معلش قدر الله وما شاء فعل .....

رد: الماروتى غرقت فى الاسكندرية
 

يعنى أيه .......مشيت تحت الميه يا أخى .....؟

دى سياره .....مش غواصه

فإلى أى مستوى وصلت إليك المياه .....؟

ده أهم سؤال فى الموضوع كله ............؟

لأن غالبا الشكمان عندك هو الذى يمنع المكنه من الدواره

ومليان ميه لحد سوستة الشكمان المركبه على الفرن .....؟

والباقى غالبا كله سليم ..................؟

أولا

حتطمن على منسوب الزيت ..بقياس المنسوب

ومراقبة لون الزيت

لقيت كله تمام !!!!!!!!!!!!!!!!

يبقى تفضى الشكمان من المياه وتوكل على الله ودور وجرب