رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)
السلام عليكم ورحمة الله وبركاتة دة الجزء التالت بتاع رحلتى للاقصر واسوان ولو انت متابع يبقى كمل قراية علطول لكن لو انت مش متابع يبقى دة رابط الجزء الاول وكنت بتكلم فية بالصور والفيديو عن الطريق من العاشر من رمضان للاقصر ووصفة والخدمات علية وعن اسعار الفنادق ومستوياتها وزيارة لمعبد الكرنك رحلة الى الاقصر واسوان...تقرير متكامل بالتفاصيل والصور والفيديو والاسعار (الجزء الاول) - مصر موتورز مجتمع وسوق السيارات العربى ودة رابط الجزء التانى وكنت بتكلم فية بالصور والفيديو عن زيارة لوادى الملوك بالبر الغربى وعن روعة و جمال الهندسة المعمارية الفرعونية اللى اتعملت فى بطن الجبل على عمق 100 طابق تحت سطح الارض بزاوية ميل 33 درجة تقريبا فى مقابر وادى الملوك رحلة الى الاقصر واسوان ...تقرير متكامل بالتفاصيل والصور والفيديو والاسعار (الجزء التانى) - مصر موتورز مجتمع وسوق السيارات العربى ونبدا الجزء التالت وهو زيارة لمعبد الاقصر اللى فى قلب مدينة الاقصر فى البر الشرقى ودى معلومات كاملة عن المعبد ظ…ط¹ط¨ط¯ ط§ظ„ط£ظ‚طµط± - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط© وانا هحاول اتناول الموضوع وكانة رحلة عبر الزمن للمعبد الاول دة فيديو 3D مدتة دقيقة ونصف وهو فيديو تخيلى للمعبد وقت بناءة ضرورى جدا تتفرج علية عشان تتخيل وتعرف شكل المعبد كان عامل ازاى وقت بناءة Temple of Luxor - YouTube مبدئيا المعبد موجود فى وسط البلد يعنى مش محتاج مواصلات وتذكرة دخولة على ما اذكر كانت 3ج ومواعيدة من 8 صباحا الى 9 مساء والصور اللى جاية بالترتيب كتالى الاولى صورة تخيليلة من اعلى للمعبد وقت بناءة ايام الفراعنة التانية صورة تخيلية لواجهة المعبد وقت بناءة التالتة صورة حقيقية لواجهة المعبد التقطت 1880 تقريبا الرابعة صورة حقيقية لواجهة المعبدفى بداية القرن الماضى من الناحية اليسرى ونلاحظ الزحف العمرانى عليها وقتها التقطت 1900 تقريبا الخامسة صورة لواجهة المعبد من الجانب الايسر التقطت 1901 السادسة صورة واجهة المعبد حاليا والفيديو اللى تحت الصور دة من تصويرى لواجهة المعبد http://i1342.photobucket.com/albums/...b.jpg~original http://i1342.photobucket.com/albums/...e.jpg~original http://i1342.photobucket.com/albums/...x.jpg~original http://i1342.photobucket.com/albums/...d.jpg~original http://i1342.photobucket.com/albums/...s.jpg~original http://i1342.photobucket.com/albums/...f.jpg~original H - YouTube بعد كدة بتدخل فناء رمسيس التانى وهتلاقى على شمالك وانت داخل جزء من مسجد ابو الحجاج داخل فى المعبد وسبب وجود المسجد فوق جزء من المعبد هو ان الاثار الفرعونية زمان كانت مهملة جدا وكانت الاقصر عبارة عن قرية صغيرة فى الصعيد فجاء احد الرجال الصالحين وهو الصوفى يوسف بن عبد الرحيم بن يوسف بن عيسى الزاهد وشهرتة ابو الحجاج وبنى المسجد سنة 658 هـ (1286م) فوق جزء من المعبد ومن يومها وهو على هذا الحال وعشان تبقى متخيل انا هحط لك صورة تخيلية لكامل المعبد من فوق وهتلاقينى محدد الجزء اللى تم بناء المسجد علية على التصميم الاصلى وتحتها صورة جوية للمسجد فى الوقت الحالى http://i1342.photobucket.com/albums/...0.jpg~original http://i1342.photobucket.com/albums/...q.jpg~original والصور التالية بالترتيب الاولى صورة من الداخل للخارج وهتلاقى فيها مسجد او الحجاج على اليمين فوق وضهر واجهة المعبد فى وشك التانية صورة لنهاية الفناء وهتلاقى فية تمثالين لرمسس التانى والفيديو اللى تحتهم للفناء نفسة http://i1342.photobucket.com/albums/...w.jpg~original http://i1342.photobucket.com/albums/...r.jpg~original i - YouTube بعد كدة بتدخل على بهو الاعمدة وهو عبارة عن بهو مستطيل يوجد به صفان من الأعمدة وبكل صف سبعة أعمدة ضخمة يبلغ ارتفاع العمود الواحد 18 متراً اى ما يعادل 5 طوابق ارتفاع والصور التالية بالترتيب الاولى تخيليلة للبهو وقت بناءة ايام الفراعنة التانية صورة من اوائل القرن الماضى التالتة صورة بالليل حاليا http://i1342.photobucket.com/albums/...u.jpg~original http://i1342.photobucket.com/albums/...3.jpg~original http://i1342.photobucket.com/albums/...i.jpg~original وبعد كدة بتعدى من بهو الاعمدة وتوصل لنهايتة والصور التالية من نهاية البهو كالتالى الاولى قديمة التقطت سنة 1900 التانية قديمة اثناء اعمال الترميم فى المعبد التالتة من نفس الزاوية فى الوقت الحالى بالنهار الرابعة من نفس الزاوية فى الوقت الحالى بالليل وبعد كدة فيديو لبهو الاعمدة http://i1342.photobucket.com/albums/...o.jpg~original http://i1342.photobucket.com/albums/...i.jpg~original http://i1342.photobucket.com/albums/...7.jpg~original http://i1342.photobucket.com/albums/...a.jpg~original j - YouTube وبعدكدة بتدخل فناء امنحوتب التالت وهو عبارة عن فناء ضخم تحيط به الاعمدة من 3 جهات وعددهم 64 عمود والصور التالية كالتالى الاولى تخيلية للفناء وقت بناءة ايام الفراعنة التانية صورة خارجية التقطت للبهو من على النيل سنة 1875 التالتة صورة تانية لنفس البهو وفى نفس الزمن لكن من زاوية تانية الرباعة والخامسة التقطها انا بالنهار السادسة لنفس الفناء التقطتها انا بالليل والفيديو اللى تحتهم للفناء دة بالنهار http://i1342.photobucket.com/albums/...h.jpg~original http://i1342.photobucket.com/albums/...f.jpg~original http://i1342.photobucket.com/albums/...n.jpg~original http://i1342.photobucket.com/albums/...q.jpg~original http://i1342.photobucket.com/albums/...v.jpg~original http://i1342.photobucket.com/albums/...i.jpg~original k - YouTube وبعد كدة بتدخل على منطقة قدس الاقداس ودة مدخلها http://i1342.photobucket.com/albums/...k.jpg~original بعد ما تخلص المعبد وترجع تانى للمدخل الرئيسى هتلاقى فى وشك طريق الكباش ودة المفروض انة واصل بين معبد الاقصر ومعبد الكرنك ودة قصتة انة كان معمول لتسير به المواكب المقدسة للملوك والآلهة في احتفالات اعياد الاوبت من كل عام فكان يسير الملك يتقدمه علية القوم من الوزراء وكبار الكهنة ورجال الدولة خلف الزوارق المقدسة التي كانت تحمل تماثيل الآلهة, بينما يصطف أبناء الشعب علي جانبي الطريق يرقصون ويلعبون في بهجة وسعاده والصور التالية كالتالى الاولى تخيلية لشكل الموكب ايام الفراعنة التانية صورتة حاليا بالنها التالتة صورتة بالليل من نهايتة http://i1342.photobucket.com/albums/...t.jpg~original http://i1342.photobucket.com/albums/...m.jpg~original http://i1342.photobucket.com/albums/...z.jpg~original بعد ما خلصت معبد الاقصر رحت متحف التحنيط وهو قريب جدا من معبد الاقصر حوالى 500 متر ومواعيد عملة من 9 صباحا الى1 ظهرا والتذكرة على ما اذكر كانت ب3ج او 4ج ودى معلومات كاملة عنة ظ…طھط*ظپ ط§ظ„طھط*ظ†ظٹط· - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط© والمتحف يختص بكل ما ييشمل علم التحنيط بالنسبة للفراعنة سواء كانت الادوات او المواد الكيمائية اللى كانوا بيستخدموها او الجرار اللى كانوا بيحفظوا فيها امعاء المتوفى وهتلاقى بعض الحيوانات المتحنطة فعليا زى القرد والتمساح وفية مومياء موجودة فى المتحف للامير ماساهرتى الفرعونى لو حالفك الحظ وكان المتحف فاضى قليلا من الزوار ووقفت امام المومياء تتامل ملامح وجهه لفترة طويلة بهدوء وسكون مع الاضاءة الخافتة للمتحف هتحس بقشعريرة فى جسمك ورهبة وهتنصرف من قدامها وفعليا دة اللى حصل معايا بس علشان التصوير فية ممنوع نهائيا فانا هجيب لك بعض الصور من على النت http://i1342.photobucket.com/albums/...s.jpg~original http://i1342.photobucket.com/albums/...p.jpg~original http://i1342.photobucket.com/albums/...z.jpg~original http://i1342.photobucket.com/albums/...c.jpg~original بعد كدة رحت متحف الاقصر وهو على بعد كيلو تقريبا من معبد الاقصر على النيل يعنى ممكن تتمشى المسافة على الكورنيش ومواعيدة من 9 صباحا الى 1 ظهرا والتذكرة ب 10ج وبردو ممنوع فية التصوير ودى معلومات كاملة عنة ظ…طھط*ظپ ط§ظ„ط£ظ‚طµط± - ظˆظٹظƒظٹط¨ظٹط¯ظٹط§طŒ ط§ظ„ظ…ظˆط³ظˆط¹ط© ط§ظ„ط*ط±ط© والمتحف جميل جدا من جوة وكبير ومنظم وانصحك بزيارتة وهو عبارة عن طابقين وفية 346 قطعة اثرية وفية 2 مومياء متحنطين ومحطوطين فى غرف منفصلة ولو وقفت فترة لوحدك فى الغرفة خافتة الاضاءة مع المومياء ودققت فى وشها وعينيها لفترة طويلة بردو هينتابك احساس غريب لا يخلو من الرهبة ودة مدخل المتحف من برة http://i1342.photobucket.com/albums/...z.jpg~original ودى بعض الصور من النت http://i1342.photobucket.com/albums/...c.jpg~original http://i1342.photobucket.com/albums/...c.jpg~original http://i1342.photobucket.com/albums/...3.jpg~original http://i1342.photobucket.com/albums/...7.jpg~original وبكدة يبقى انتهى الجزء التالت ويتبقى جزء رابع واخير فى الاقصر هيكون تغطية بالصور والفيديو لحتسبشوت (الدير البحرى) ووادى الملكات وهيكون نصائح عامة وتحذيرات عشان تقضى اجازة سعيدة وتستمتع بيها فى الاقصر وبعد كدة هنروح اسوان اللى اللقاء فى الجزء الرابع |
رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)
تقرير رائع ومبهر كعادة تقاريرك تسلم ايدك على المجهود المتميز ده كله
موضوع الرهبة اللى بتتحس بالنظر للمومياوات ده انا اشهد بيه وحصلى قبل كدة اول مرة شوفت موميا كانت وقتها فى المتحف المصرى قاعة المومياوات وكانت لسه جديدة ساعتها والاضائه تمام وكل حاجة بس مجرد ما دققت فى الموميا كدة وسرحت فى تفاصيلها حسيت بنفس الرهبة اللى بتتكلم عليها ديه ودخت كمان والله وبقيت عايز اخرج مع انى قلبى جامد وبحضر عمليات جراحية ودفن ومشارح وكل حاجة بس فعلاً الموياوات ليها تاثير عجيب تسلم ايدك مرة تانية وتالته على التقرير الجميل وادعيلى اعملها وافضى اسبوع كدة لرحلة زى ديه نفسى فيها من ايام الطفولة ولسه مش عارف اروحها :10FEE3~144: |
رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)
تقريرك ولا أروع من ذلك وقد مزجت فيه بين الصور الواقعية والصور التخيليه عن الشكل العام أثناء عصر الفراعنه وهو يظهر جلياً مدى عظمة الفراعنه ودقتهم فى الهندسة الإنشائيه للمعابد وأجمل مافى الموضوع إستعانتك بالمعلومات العامة من الموسوعات العلمية والتى نراها ونفهم منها ما خفى علينا وما لم نعرفه حتى فى زيارتنا لهذا المكان تسلم ايدك وننتظر الجزء الرابع والأخير عن رحلتك الى مدينة أسوان |
رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)
اقتباس:
|
رد: رحلة الى الاقصر واسوان ... تقرير متكامل بالتفاصيل والصور والفيديو والاسعار (الجزء التالت)
اقتباس:
كل دة عشان اعرف اطلع تقرير الحمد لله انة طلع كويس وبالنسبة للحزء الرابع يا استاذ نبيل هيكون برضو فى الاقصر زى ما قلت فى نهاية التقرير والخامس هيكون فى اسوان |
الساعة الآن 05:27 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017