مهزلة جديدة مع الصنى تالت مرة
 

السلام عليكم
طبعا اكيد انتم فاكرين الموضوعين اللى عملتهم قبل كدة بخصوص الصنى اللى طلعت روحى و جابتلى اكتئاب الجديد بقى انى ماشى بالعربية ووقفت اجيب حاجة و سايب مراتى فى العربية رجعت لقيتها بتصوت ان التكيف فصل و عمال يجيب هوا سخن نحاول فى و نطفيه و نشغله ابدا مفيش فايدة اكتر من نص ساعة بنموت من الحر فى عز النهار و مفيش فايدة طبعا كان هاين عليا اروح اكسر التوكيل على دماغ اللى فيه و اتصلت بالسبع و عملت مجنون قولتلهم انا هرح ابلغ حماية المستهلك العربية عاملة 10000 كيلو و كلها مصايب ادونى ميعاد و قالولى تحت امرك تيجى و نشوف الموضوع.معلومة ان التكيف فصل قبل كدة العربية ماشية و لما روحت صيانة ال 5 الاف قالوليلى ده كان فيوز و غيرناه ده طبعا غير ريحة العطن اللى بيتطلع من التكيف عشان مفيش فلتر بالرغم انهم عملوا كوبونات مجانية و لما اتصلت بيهم قالولى اصل الستوك خلص و لما يجى تانى هنتصل بيك ادى وش الضيف .من فرستى عديت على نيسان مصر اللى عند المنهل لأنى كنت شوفت العربية هناك قبل ما اشتريها و قبلت الولد اللى قعد يقنعنى بيها و حكيتله رد عليا رد فى منتهى الأستفزاز قالى ما هو ده الفرق انك تشترى من تكيل او معرض ده طبعا على اساس ان العربية لما بتطلع من المصنع بيكون مكتوب عليها تووكيل و لا معرض و فى الأخر قالى حضرتك اتصل بخدمة العملاء و دى اخرمقالب الصنى معايا العربية اللى فق ال 90000 جنيه مش عارفين حتى يقفلوها عدل فى بلدنا المحترمة انا بنصح كل واحد يفكر كويس قبل ما يشترى الصنى يا جماعة

رد: مهزلة جديدة مع الصنى تالت مرة
 

مع احترامي دي حالة نادرة جدااااااااااا
ومش معني كدة ان الصني وحشة
ان شاء الله مشكلتك تتحل

رد: مهزلة جديدة مع الصنى تالت مرة
 

اتمنى من الله انها تتحل بس صدقنى مش حالة نادرة شوف الشكاوى اللى من الناس التانية واضح ان التقفيل المصرى فيه مشكلة مع ان احد اسباب اختيارى للنيسان بالرغم ان ناس كتير حذرتنى من التقفيل المصرى و قالولى الكورى احسن لكن قدر الله و ما شاء فعل

رد: مهزلة جديدة مع الصنى تالت مرة
 

لاة مش حالة نادرة العربية فيها مشاكل كثيرة جدا وبسمع عنها كتير وسمعتها بقت زحشة خالص وفعلا اليابانى فى النازل والكورى فى الطالع وربنا يعوض عليك لانى مشاكل العربيات بتخلى الواحد مش عارف ينام وشايل هم كبييييير اوى ودول 90 الف واكتر مش ملاليم حسبى الله ونعم الوكيل فيهم
وبرضة المصريين مش عارفين يقفلوا العربيات كمان
طب مش عارف سيبها للى فاهم بقى :01A0FF~139:

رد: مهزلة جديدة مع الصنى تالت مرة
 

الله يكرمك بشكرك فعلا ربنا عالم باللى الواحد فيه و الله العظيم انا اول عربية امتلكتها كانت لانوس 2008 عربية زى الفل و كانت وش السعد عليا عمرى ما حسيت معاها بأى تعب لا فى صيانة لا تكيف عربية وحش و استهلاك بنزين رائع صحيح هى مش رفاهية و لكن انا حبيت اعمل ابجريد و فكرت كتير جدا و كان قدامى صنى و بروتون و اوبترا و سيمبول و كانت هى المعقول فيهم على الأقل الواحد اقتنع بالموتور اليابانى و لما روحت الوكيل فرشوا الأرض ورد و قالوا احنا عملنا عفشة سبور و ركبنا سنسور وو العربية عليها ضمان دهان و حسيت ان الفلوس هتروح فى مكانها لكن برده ارجع و اقول قدر الله و ما شاء فعل الواحد بيحاول يشجع التقفيل المصرى و العمالة المصرية و بعدين يفاجأ بالسلبية و القرف و تحس انك اضحك عليك