أنا شوفت الأبيزا 94 المعروضة عليا بس عندى شوية استفسارات
 

فى واحد جنب البيت عارض ابيزا 94 للبيع (أجنس)
وانا كنت منبهر قبل ما اروح لان هى من برة كويسة و صاجها كويس
فرحت اشوفها من شوية (بالليل)
و قلت يارب تكون موتورها حلو وباقى الحاجات
ف ماكنتش موجودة و قالى شوية و جاية
فجت العربية بش انا لما شفتها اتخضيت
كان صوتها و هى داخلة عالى
فقلتله عاوز اشوفها
فتح الكابوت ماكونتش شايف حاجة قوى بس حسيت ان فى حاجة ناقصة فى الجزء الأمامى يمين من الموتور مش عارف هى كدة ولا فى فعلا حاجة ناقصة؟؟؟؟
(ممكن يكون مكان سربنتينة التكييف انا مش عارف)
و كان متوسخ و منيل بنيلة
قلت أدور الموتور أنا هى دارت علي طول بس صوتها عالى برده فى زى صوت تكتكة خفيف
هو بيقول انها لسة باردة و لما تسخن هتهدى وانا عارف ده (كان الrpmعلى 2)
بس فى صوت تكتكة مش عاجبنى
و كان فى صوت تانى من ورا قلتله ايه دا بقى قالى الكلبس اللى ماسك الشكمان عاوز يتربط كويس
و أعد يزود بنزين و يقولى أهى كويسة بس كان صوتها عالى
الفيتيس بقى حاسس ان السوستة بتاعته مش ماسكة كويس
و انا لأول مرة أعرف أن الأبيزا المارشدير في الفيتيس لأودام و السوستة مش مجليانى أعرف هى رايحة أول ولا تالت ولا خامس ولا مرشدير
قلتله صوتها العالى دا مش عاجبنى قالى هى كويسة بس لو عايز تجيب ميكانيكى يشوفهالك

ياريت حد يفيدنى فى كل ده و ممكن الحاجات دى تتحل؟
و اية طريقة حلها واحدة ورا واحدة كدة؟

هو بيقول سعرها 28 ألف ياتري دا كويس ولا ايه (مع امكانية تنزيل السعر شوية)
فيها زجاج كهربى أمامى و 1300 سي سي و اجيبها ولا لأ
بس أنا مش عاوز أسمعلها صوت خالص ياترى المشاكل دي تتحل؟
بس ياريت تفيدونى بسرعة
اى حد عنده حاجة يقولها<!-- google_ad_section_end --> عشان انا ممكن أشتريها قريب أوي

رد: أنا شوفت الأبيزا 94 المعروضة عليا بس عندى شوية استفسارات
 

نسيت أسأل على حاجة بس
ياريت لو حد عنده صور العربيه يوريهالنا من اخارج و الداخل و الموتور بالذات لو سمحتم

رد: أنا شوفت الأبيزا 94 المعروضة عليا بس عندى شوية استفسارات
 

هي ممكن المشاكل تتحل بس خلي الميكانيكي ( ميكانيكي معرفه و امين عشان ميغشكش ) و لو قال كويسه ارفعها في بنزينه محترمه عشان تتطمن علي العفشه و الشاسيه و متنساش صلاه الاستخاره و ردودي بناء علي خبرتي المتواضعه في شرا المستعمل و الصيانه

رد: أنا شوفت الأبيزا 94 المعروضة عليا بس عندى شوية استفسارات
 

http://www.car100100.com/car_images/...2/interior.jpg

http://www.car100100.com/car_images/...10412/left.jpg

http://www.car100100.com/car_images/...10412/rear.jpg

http://farm4.static.flickr.com/3084/...133a923277.jpg

http://www.carsforsaleireland.ie/cl-...da7631d83c.JPG

http://carphotos.cardomain.com/ride_...0007_large.jpg

بص هى العربية جميلة والموديل ده كمان جميل بس فى مشكلة ان الابيزا غالبا بتبقى طالعة من تحت ايد شباب عادمينها العافيه والعربية بالحالة اللى بتقول عليها ديه وبالسعر ده كمان تخوف وتخلى الواحد يشك خاصة ان الالمانى عموماً لو حالتة وحشه بيتعب اوى وبيكلف وانت بتقول عايز ميتسمعلهاش حس
عايز تغامر خد معاك سمكرى وميكانيكى الاتنين مش واحد بس واخدو العربية وارفعوها كويس او حتى توديها لمحمد سمير
ان مكانش كده اصبر لما تلاقى واحدة حالتها مشجعة حتى

رد: أنا شوفت الأبيزا 94 المعروضة عليا بس عندى شوية استفسارات
 

شايف دى موتورها شكله نضيف و محترم
انما اللى انا شفتها كانت شكلها مش نظيف
انا عارف ان الموتور مش كل حاجة شكله