ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
 

رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
 

التمبرا لو العربيه سليمه وفابريكه من الداخل
وربنا يباركلك

رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
 

تمام يا باشا شكرا جزيلا ليك

بس معلشى يا جماعة لو ممكن الردود تفصيلية و فيها شرح كتير يعنى مش مجرد اختيار فقط

لا يعنى مثلا البونتو لان قطع غيارها رخيصة و صاينتها سهلة و مشاكلها قليلة و كدا يعنى مميزات و عيوب

رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
 

شوف ياريس
البونتو الابيزا الميكانيكيه مينصحوش بيهم وانا كنت ناوي اجيب واحد من الاتنين قالولي العربيتين ازبل من بعض(معلش)
السويفت اخف عربيه ممكن تركبها في حياتك وملهاش اي مكانه في البلد ومحدش عايزها..
يعني عمرك شفت واحد بيقول انا لما يبقى معايا فلوس حروح اشتري سوزوكي سويفت؟؟ههههههههههه
والفليشيا هي الفورمان مع اختلاف الشكل الخارجي والفورمان كانت مع والدي وطلعت عينه وبهدلته ورحت سحبته بتاع 15 مره منكتر ما كانت بتعطل وللاسف كنا جايبنها فابريكه وبحالتها يعني مش متهانه ولا حاجه بس هي العربيه دي كده فمنصحش بيها.
الاكسل دي مش عربيه اساسا دي تكيف وركب فيه عربيه بس من ناحيه التصليح وقطع الغيار وسهوله البيع يبقى ممكن تفكر فيها لكن عيبها انها ضعيفه وخفيفه وانا بصراحه مش بحترمها والاكسنت مع خالي من مده واخر مره اتكلم عنها قال نفسي ابيعها واشتري توكتوك بدالها
نيجي بقى للتمبرا..
التمبرا تعتبر شاهين مع الاحتفاظ بمكانه كويسه بين العربيات (ليها برستيج يعني)
من جوه واسعه(شرحه وبرحه)
موتورها نااااااااااااااعم جدا
قعدتها مريحه وكراسيها ممتازه
عافشتها حلوه وبتعيش
العربيه مش بتسخن
والشنطه واسعه واستهلاك البنزين معقول وقطع الغيار موجوده والتكنولوجيا اللي في العربيه بدائيه عشان كده الميكانيكيه ولا ال... بيعرفو يصلحوها بسهوله
عشان كده شخصيا انا افضل التمبرا
وانا كان عندي الاختيارات بتاعتك وزياده عليهم عربيه بيجو برستيج
واخترت التمبرا
وربنا يسهل وتجيبلك حاجه ترضيك وتبسطك

رد: ايهما افضل و لماذا : بونتو -- ابيزا -- تيمبرا -- اكسل -- سويفت -- فليشيا -- ( بسعر 30000 )
 

الله عليييييك يا باشا هوا دا الرد المثالى متشكر اوى لاهتمام حرضتك يا باشا

حتى الان التيمبرا . ها مييين يزوووووووووووووود ؟