مصر موتورز مجتمع السيارات - عاوز اشتري عربية مستعملة ومحتار

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - عاوز اشتري عربية مستعملة ومحتار (https://www.masrmotors.com/vb/showthread.php?t=116738)

رد: عاوز اشتري عربية مستعملة ومحتار

شريف اولا اشكر اهتمامك واتمني اري اراء اخري طيب لو ميزانية من 55 الف ل 60 الف علي اقصي اقصي تقدير ممكن تجيب بي واي دي نضيفة اوي وتبقي موديل سنة كام وسمعت ان 2008حلوة لانها جاية من الصين عربية مش تجميع مصري وهل التجميع المصري وحش شريف منتظر ردك ومنتظراراء خبراءالمنتدي

رد: عاوز اشتري عربية مستعملة ومحتار

لله الامر من قبل ومن بعد مافيش غيير فيرنا ممكن تقولولي لو تكرمتم لو 45 الف تجيب فيرنا بحالة كويسة ولا لاء ارجو الافادة وتبقي موديل سنة كام وحالة العربية بتقييم علي اساس الكليو ميتر ولا حالة الموتوور وطبعا الشاسية بتاع العربية يعني ماهي هي عوامل تقييم عربية مستعملة وهل الفيرنا عربية معقولة وهل فية بديل في حدود المبلغ داااا ارجوكم الافادة :cry2W9:

رد: عاوز اشتري عربية مستعملة ومحتار

لو قدامك فيرنا نظيفة اتكل على الله

ابعد عن الصيني

لانه زي البطيخ يوم احمر و 10 ابيض

ده رايي

والف مبروك مقدما

رد: عاوز اشتري عربية مستعملة ومحتار

لو بتقارن بين الفيرنا والبي واي دي يبقى بي واي دي وخلي بالك مفيش عربية في العالم مفيهاش عيوب الكمال لله وحدة فشوف عيوب كل عربية وشوف انت هتتقالم مع اية

رد: عاوز اشتري عربية مستعملة ومحتار

انا فى نفس حيرتك دى بالظبط والله
بس هاقولك على حاجه يمكن تقرب لك شويه
لو انت من سكان الاقاليم ومش مستعد تسافر الحرفيين خليك فى الفيرنا او اللانوس
لو انت من القاهره او مشوار القاهره سهل عليك البى واى دى او الاسبرنزا هاتكون حوله معاك
وما تصدقش الكلام الكتير عن الصينى لو ده قرارك العربيه اشتغلت اجره واثبتت كفاءه
اخر حاجه قبل الاستخاره اسال نفسك لو مشاويرك جوه البلد خليك فى الجديد (صينى او فيرنا او لانوس او غيره)
لو بتسافر كتير بيين المحافظات دور على لانسر كريستاله او تويوتا كرولا ثبات احسن على الطريق السريع .
وفى الغالب يعنى بعد خمس او ست سنين بالكتير الناس كلها هاتقلب اتحاد اوروبى علشان هايرفعوا عنها الجمارك (والله اعلم)