أنا والله تعبت وأبصم ليكم بالعشرة إنكم مظلومين
 

أول حاجة احب اقول ليكم ياشباب منتدي اكثر من رووووووووووووعة وكلكم جدعان والله بالمواضيع اللي بتناقشوها دا أولا.
ثانيا انتوا مظلومين انا طالبا دكتوراة هنا ومش مصري بس اللي شفتة ان العربيات عندكم مولعة زي النار ومافيش فيها حاجة تستاهل لا ABS ولا airbag و مع ذالك مولعين سعرها علي اية ما اعرفش وكمان تقفيل مصري يعني المفروض ارخص من اي حتة بس اللي حاصل العكس مواصفات وحشة وغالية ptmnlo123per1106. علي اية كل دة وللامانة انك تاخذ عربية من هنا عذاااااااااااااااااااااب والله ptmnlo123per144.
انا بقا لي 3 شهور هنا ومش عارف اخذ اية ومصطلاحتكم صعبة عفشة وتتقفل وطنابر والله دخت وراكم يا ناااس حرام كدة انا معايا في حدود 80 الي 70 الف وعاوز عربية اوتوماتيك و ابيعها بعدما اخلص يعني قول 4 سنين كمان واروح بلدنا ومش عاوز اخسر فيها كثير انتوا رائيكم اية اخذ علي الزيرو والا مستعمل واخذ اي نوع اصلا والا اكمل كعابي واخلص .
أفيدوني علشان انا خلاص تعبت السوق عندكم مابيرحمش ومابقيتش عارف حاجة فية.
وسامحوني طولت.ptmnlo123per122

رد: أنا والله تعبت وأبصم ليكم بالعشرة إنكم مظلومين
 

اولاً اهلاً بحضرتك فى مصر ام الدنيا واهلا بيك مرة تانية فى مصر موتورز

ثانياً حضرتك احنا عايشين ازهى عصور الرخاء والديموقراطية لدرجة ان الحكومة بتعايرنا باننا بنصرف فلوسنا على العربيات (من كترها يعنى ) وطبعا ده بالمقارنة بالحقبة الماضية اللى كان فيها العربيات بالحجز وبالعملة الصعبة لشهور وسعات سنين وكان فيها العربيات المستورده حلم صعب المنال اقدر اقولك الحمد لله على اللى الهناء اللى احنا فيه والرخاء والديموقراطية ptmnlo123per195

واخيراً بالنسبة لسؤالك الفلوس اللى معاك تجيب حاجات كتير سواء مستعمل او كاش وانا انصحك بدام هتغير بسرعة (4 سنين ديه عندنا يعنى بسرعة) تجيب حاجة كسر زيرو يعنى استعمال خفيف عدادها يكون 20 الف ولا حاجة تمشى بيها حالك ولما تيجى تبيعها متخسرش كتير

لكن لو مش فارقة معاك الخسارة وعايز تجيب زيرو فكر فى حاجة من دول (هيونداى فيرنا - دايو لانوس - بروتون سيجا - رينو لوجان ) اول اتنين عربيات شعبية وقطع غيارها وصيانتها سهلة ومتوفره فى كل حتة بس عربيات فاضية تماما والاتنين الاخرنيين فيهم ايرباج وشوية اوبشن بس اقل انتشاراً لحد دلوقتى لانهم لسه عربيات جديدة الى حد ما

وطبعا فيه الصينى وده فيه كل حاجة اوبشن ومواصفات امان بس صينى

شوف الاول انت ميال لايه وخد جولة فى قسم البيع والشراء وخد جولة فى باقى الاقسام شوف العربيات ديه والتقارير عنها وقرر الاول عايز زيرو ولا مستعمل واحنا هنساعدك ان شاء الله

بس مقولتلناش حضرتك منين ؟

رد: أنا والله تعبت وأبصم ليكم بالعشرة إنكم مظلومين
 

اهلاً بيك فى بلدك مصر
بما إنك ناوى تبيع بعد 4 سنين ان شاء الله, انا انصح بهيونداى نيو اكسنت او شيفورليه اوبترا كسر زيرو, عربيات سهله البيه و سعر اعادة بيع كويس و قطع غيار متوفره و رخيصه نسبياً

رد: أنا والله تعبت وأبصم ليكم بالعشرة إنكم مظلومين
 

والله حاجه غريبه انك مش مصرى بس لهجتك مصريه قح !

والآغرب دكتوراه فى 4 سنين ؟؟ ليه يا راجل دكتوراه فى الدينوصورات ؟؟

المهم ! لو انت فردانى ( يعنى عايش هنا لوحدك ) هات لك حته فولكسفاجن بيتلز موديل

قديم بس تكون نظيفه ! رخيصه و ماتقولش لآه و تخبط فيها زى مانت عايز و ممكن ترميها

وانت مسافر أو تبيعها مش ح تخسر حاجه خالص !

أما اى عربيه تانيه زى الفيرنا مثلا هيه مش بطاله بس ثمنها ح يصعب عليك لآنه يجيب كورولا

فى أى بلد تانيه ! وشـــكرآآ

Dr. Bolbolan ptmnlo123per122

رد: أنا والله تعبت وأبصم ليكم بالعشرة إنكم مظلومين
 

طبعا انا متشكر قووي قوووي للردود الحلوة وبالمناسبة انا با اعمل دكتوراة في طب الاسنان .ومتربي في مصر من نعومة الاظافر بس سبتها في 88 ورجعت تصدقوا بالله نزلت ادور عربية زي بتعات ابويااااا زمااان اكيد عرفينها من شركة نصر كانت والله حلوة بس مقضية
المهم ما اطولش يارجالة انا تابعت مواضيعكم في المنتدي وتهت اكثر انا عايز حاجة علي الزيرو واتوماتيك وفسروا لي اية هو العفشة واية هو الطنابير. ومن فين الاقي حد يبيع كسر الزيرو زي معرض مثلا او مكان يكون مضمون والمهم اي حاجة تمشيني وماتعمليش مشاكل مشكلة انتوا انصحوني اخذ اية حاكم اخوكم لايص علي الاخر وعايز اخلص.
ا