رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

أحمد باشا.. تسلم نصايحك
بالنسبة لبوابة الأنجكشن لما نضفتها فعلا دواسة البنزين اتظبتت جداا.
انا كمان رحت عند العفشجى قاللى ان فيه فردة كاوتش (اللى قدام شمال) بايظة خالص و"احمد ربنا انها ما ضربتش منك!!" الــــــــحــــــــــمـــ ــــــــــــد لــــــلــــــــــــه
المهم ركب الأستبن مكانها وجربناها ,الهزة راحت فعلا بس الدركسيون لسة سايب شوية , قاللى كدة علبةالدركسيون محتاجة شغل ... وبدأ يفتح فعلا..
هكملكوا باليل ان شاء الله لتعم الفائدة ..

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

العفو ياباشا بس علبه الدركسيون فيها شغل ازاى هيه العربيه ماشيه كام الف ياباشا

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

سوال يا جماعه معلش انا لسه جديد في عالم الفيرنا وبتشرف انا انضميت ليكم وربنا يبارك يارب العالمين
انا لسه شاري السييارة من يوم السبت مستعملة عام 2006 عاملة 65000 وزي الفل
ولسه بتعود على القيادة بيها
احيانا لما بجيب الرابع احس ان العربية فيها رجه كده
فهل ده انا مش بشبع الغيار الثالث كويس وكده
مع العلم ان السيارة على الأول والثاني والثالث لحد 80 كيلو متر بالساعه زي الفل وشكرا ليكم

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

الرجه دايمه و لا بتروح و تيجى و بتبان فى الدركسيون و لا فى الدواسات

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

لا حضرتك مش دايمة بتظهر بس لما اكون مدي الغيار الرابع مرة لا ومره أه انا حاسس انها مني علشان مممكن اكون مش مضبط النقل والكلام ده وبشبع الغيار حضرتك فهمني انا لسه اصلي شاري السيارة وكده
انا بحس بيها من ادام مش الدواسات ولا الدركسيون :) والله لو اقابل حضرتك مرة يا استاذ احمد في اى مقابلة قريبا اوريها لحضرتك ولكن الحمد لله ان العربية فراملها كويسة بالنسبالي انا بكون جايب الرابع والخامس ومش بتعدي السرعات الا 100 ديه اقصي سرعة جبتها حتى الان
علي العموم انا هاطلع النهارده الدائري واجربها اوصل بيها 120 ولا حاجة واشوف لو عملت هاقولك
بس عاوز رايك كخبير فيرناوي كبيييير

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

كده العربيه طبيعيه ماتقلقش مدام بتعمل الحكايه دى و من قدام يبقى انت لسه مش متعود على العربيه كويس

المهم متجريس بالعربيه دى غير لما تكون متعود و فاهما كويس جدا جدا و ربنا يباركلك فيها

رد: إلى الفيرناوية اللى عندهم أى أستفسار أو مشكلة بخصوص الفيرنا الجميلة يتفضل وهنساعده ان شاء الله
 

ربنا يكرمك يا استاذ احمد يارب العالمين
حضرتك اخ محترم وانا بشكرك من كل البي لاني بجد فرحان بفرنتي انا كنت بحلم بيها من عام 2008 عارف كنت بتمني اركبها بجد :) وكنت متابع لكل المواضيع بتاعتها سواء على المنتدي هنا او منتدي نايل موتورز

وسؤال اخير الراجل الي شريتها منه كان بيحط زيت موبيل وان 10000 واخر مره عامل صيانه ليها لما جابت ال 60000 غير سير الكاتينة والسيور كلها وكده والفلاتر ومغير الكاوتشك والكلام ده
مع العلم انا سيارتي 1500 من 1600

السوال هو
الزيت موبيل وان 10000 كويس للفيرنا ولا استعمل ال شيل 10000
فية ناس بتقول ان ماتور 1500 وحش وكده في رايك انت الكلام ده صح
والصيانة تقولي بقه على مركز صيانة محترم تبعك كده اروح لما اجيب ال 70000 ان شاء الله اعمل الصيانه واغير الزيت والكلام ده
بارك الله فيك
واسف لازعاجك والله بس انت راجل خبرة وخدوم الله يكرمك ويوسعها عليك