انا اول مره اشارك معاكم فى المنتدى ده وعمرى ما كنت هافتكر انى هشارك فيه لانى عمرى ما فكرت انى اشترى عربيه او حتى كنت بحبهم من الزحمه الى فى الشارع ومن الى كنت بشوفه وانا فى المواصلات وكنت لما بتخنق من الزحمه بنزل وامشى عشان كده ماكنتش بحب العربيات لان ساعتها مش هاعرف اسيبها وامشى
عشان كده كنت بفكر انى اجيب ريس لكن طبعا ولاد الحلال كتير ولعبوا فى دماغ الحج وقالوا لو مستغنى عنه هاتهوله فطبعا الموضوع بتاع الريس باظ وبقى قدامى حل من الاتنين ياما العربيه لاما افضل مقضيها مواصلات فقررت طبعا انى اجيب عربيه
ومن هنا بدات الحيره
اولا انا مش بفهم فى العربيات خالص
ثانيا السواقه انا اتعلمتها والحمد لله نسيتها خالص
ثالثا وهو ده سبب مشاركتى معاكم انى مش عارف اجيب عربيه نوعها ايه
انا معايا حوالى 30000 ج
وعايز اجيب عربيه بور وتكون حلوه وبنت ناس وتحببنى فى العربيات وطبعا مستعمله مش جديده
وفيه عربيه قدامى دلوقت اوبل كورسا موديل 94 موتور 1200 ايه رايكم فيها
وهل هى احسن ولا الهيونداى اكسيل من حيث العيوب والمميزات
ياريت حد يرد عليا لانى بصراحه تعبت من كتر البحث على النت ومبقتش فاهم حاجه خالص