لو يرضيكوا ( اتنفخ ) اوك
السلام عليكم ورحمة الله وبركاته
الاخوة الكرام بعد التحية سوري طبعا عالعنوان دا بس فعلا هو دا الواقع القصة ان والدي معاه عربية تريوس موديل 2000 والردياتير بتاع العربية بيعمل حاجة غريبة جدا ومش دائمة مبدئيا المياة بتنقص كل مشوار ولازم تزويدها وكمان اوقات لو العربية ماشية على طريق طويل والسرعة فى حدود ال 80 بعد لما المشوار بيخلص والعربية تتركن وتفتح الكبوت تلاقي خناقة ملهاش حل الاربة بتبكبك بطريقة هستيرية لدرجة انى والدى قالى وانا مصدقتهوش ورهالى طلعت اجرى كان فى قنبلة موقوته جوه يريت لو حد يعرف سبب المشكلة دى ايه؟ وحتى لو هيجيب ريدياتير جديد وهيبقى من فين وبكام ؟ وجديد ولا استيراد ( انى الافضل ) وهل الموضوع يتحل بالريدياتير الجديد ولا دى مشكلة ف الموديل او النوع دا عامة ؟ انا قلت لوالدى ان انا التوت فروت وخلال 24 ساعة هجيبلك الحل الاكيد وطبعا كل دا اعتمادا على ربنا سبحانه وتعالى ثم عليكم قال لى كلام وخلاص ولا ......... قلت له ولا ............ فاظن انى هتنفخ لو ماعرفتش:36_2_16: |
رد: لو يرضيكوا ( اتنفخ ) اوك
واضح كده ان عندك سده فالريداتير ممكن توديه لواحد يسلكه ولو استمرت المشكله يبقي تغير الريداتير وممكن برضه تكون ترموستات الحراره مهيسه طب سؤال هي المروحه بتشتغل ولا ايه ؟ |
رد: لو يرضيكوا ( اتنفخ ) اوك
انت لازم تعرف المشكله فين علشان الوالد يعرف ان وراك رجاله :funny25:
|
رد: لو يرضيكوا ( اتنفخ ) اوك
واضح يا جماعة ان الحرارة عندة بتعلي لدرجة الغليان
لان الوصف بتاعة بيدل ان المية بتغلي وبالتالى بيحصل ضغط بخار هو اللى بيعمل كدة وعلشان تعرف بكل سهولة عليك متابعة عداد الحرارة + اوعي تفتح الطبة احسن تتحرق من بخار المية المشكلة تنحصر ف الاتى : ريداتير + ترمستات + مروحة التبريد |
رد: لو يرضيكوا ( اتنفخ ) اوك
سلك الريدياتير عند المتخصص بس هي العربيه بتسخن ؟ و غالبا فيه تسريب يعني اعمل حسابك علي لحام كمان |
الساعة الآن 03:56 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017