المشاركة الأصلية كتبت بواسطة transporter (المشاركة 530138)

بسم الله الرحمن الرحيم:_أبارك لأبو البنات أ-أحمد مباركة متأخرة علي السيارة وأدعو لك بالخير فيها والستر الدائم علي الطرق سبب التأخر أني أقرأ الموضوع اليوم فقط وأعترف بأنه شيق ويستحق التثبيت وقد زدته جمالا" بروحك المرحة الظاهرة من خلال بعض الدعابات الرشيقة أثناء سرد يوميات تجربتك مع الجراند تيريوس_مما يشجعني أن أحذو حذوك وأطلب من أعضاء المنتدي أن يساهموا بجمع المال لتحويل تلك التجربة لمسلسل رمضاني ناجح :286::joy23::286: :THUMBS~220:ولكني أعتذر عن المساهمة المالية في الإنتاج وأضم صوتي لصوت أ:وائل فريد الذي طالبك بإضافة المواصفات الفنية للسيارة وأسعار قطع الغيار برة وجوة التوكيل عشان تبقي موز وعنب وتفاح كمان _فأنا هفتح محل فكهاني وكل المشاركين يبقوا يشتروا مني وأنا أولي من الغريب ههههه:CONGRA~238::CONGRA~ 238:

المشاركة الأصلية كتبت بواسطة transporter (المشاركة 530225)

بسم الله الرحمن الرحيم
شكر وتقدير:14FEAD~151::01F6EB ~150:للأستاذ المحترم جدا: أحمد أبو البنات ربنا يخليهملك وينبتهم نباتا"حسنا":30p[1]:_لقد أفدتنا كثيرا بموضوعك الشيق الذي لم أبتديه حتي تركت كل شيء وقرأته للنهاية_ومما زاد الموضوع تشويق ولم أشعر بالملل إطلاقا" هي دعاباتك لجميع المشاركين ومرحك الفطري:0369B3~177:كل الشكر والتقدير لحياديتك ولي سؤال بسيط:هل الصف الأخير يستوعب 3 أشخاص بالغين بإرتياح؟وهل سيارتك هي الموديل gls 2wd_وهل يوجد أوبشن مختلف وبالتالي سعر مختلف لهذا الموديل؟؟أعلم أنك وضعت كل ألأسعار سابقا" ولكن مكتوب أمام جميعها تريوس فقط فوددت التأكد من سعر موديل يكون ذو سبع مقاعد وabsحتي لو بدون إيرباج التي يمكن إضافتها فيما بعد وجزاك الله خيرا":GROWIN~12:

المشاركة الأصلية كتبت بواسطة a7med920 (المشاركة 534402)

السلام عليكم ورحمه الله وبركاته
الحمد لله رب العالمين اشتريت الجراند تريوس واستلمتها من ديهاتسيو اللى فى ميدان الساعه مدينه نصر القاهره
العربيه جميله جدا وفخمه وكبيره انا اول مره اركب عربيه يعنى خبرتى فى العربيات يادوبك من القرايه هنا فى المنتديات ودى اول مشاركه ليا لكن الاول كنت بدخل كزائر وان شاء الله احاول افيد زى ما استفدت وارد الجميل

السعر 156 الف كاش من ديهاتسيو وعليها كوبون ب4500 جنيه مشتريات من بى تك

الحقيقه كمان لفت نظرى انى رحت المكان دا كذا مره وكل مره يا اما حد بيستلم يا اما حد بيتفرج يعنى العربيه دى تقريبا كده منتشره وليها شنه ورنه وخصوصا انها يابانى

لما سالت قبل ما اشترى عرفت انها يابانى لكن متجمعه فى اندونيسا اما التريوس بس فهى يابانى صنع وتجميع

الموتورين تقريبا زى بعض اشتريت الفئه الاتوماتيك الليميتيك اللى فيها 3 شاشه فيدو سى دى mp3

مش عارف بقى ياجماعه موضوع البنزين انا فولت العربيه اول ما استلمتها بنزين 90 وملقتش 92 وقتها ولحد الان مشيت بيها بعد البنزين 30 كيول ومنزلش ولا شرطه من البنزين والله اعلم انتو كده رأيكم ايه فى الاستهلاك

مؤشر البنزين بيتكون من 8 شرط ديجيتال والتانك بتاعها 50 لتر يعنى ممكن نقول كل شرطه فيها بـ 6.5لتر

عندى استفسارات لو سمحتم انا سمعت عن حاجه اسمها ديفيندرات بتركب تحمى العربيه من ورا وقدام من الصدمات انا قريب من الحرفيين ممكن القاه فين فى الحرفيين وسعره كام وهل هناك منه انواع؟؟ وايه هو النوع الكويس ؟

طبعا العربيه فى الضمان لسا 3سنين او 100 الف كيلو هل تركيب حاجه زى كده لازم يكون فى التوكيل ولا يخرج العربيه ؟؟ بمعنى اصح ايه الحاجات اللى لو لعبت فيها تخرج العربيه من الضمان؟؟

ثالثا عندى الراديو بيووشش الى حد ما حتى وانا رافع الاريال ولو انى مظبط الاذاعات وكله تمام هل الراديو او الاعدادت ليها طريقه معينه غير المألوفه يعنى انا بلاحظ حتى نجوم اف ام بتوشش ودا مش تحت البيت بس دا فى اى مكان وانا ماشى بالعربيه

رابعا الكاسيت فيه تلفزيون وبردو مش شغال هل ليه ظبطه معينه؟
خامسا العربيه نازله من غير انذار ايه احسن نوع وعند مين فى الحرفيين وبكام وكام تكلفه تركيبه وهل لو ركبته خارج الضمان يخرجها ولا ايه ؟

خامسا الكاسيت فيه خاصيه GPS بس مش شغال وسالت الراجل قالى لازم تنزله سوفت وير وعدت عليا التفاصيل وقولت مش اشكاال اما استلم العربيه اسالكم منين السوفت وير دا وبكام ومين احسن واحد يعمله وهل الخاصيه من الاساس مجانا ولا بتحتاج حاجه تانى

اشكركم واانا بجد اتعلمت من هنا كتير وان شاء الله حنتكلم عن كل صغيره وكبيره فى العربيه الممتازه دى بمعنى الكلمه