مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   رينو لوجان Logan (https://www.masrmotors.com/vb/forumdisplay.php?f=160)
-   -   تقييم شخصي جداً عن تجربة فعلية للوجان أوتوماتيك 2012 (https://www.masrmotors.com/vb/showthread.php?t=93205)

Tota El Masry 25-07-2012 01:47 AM

تقييم شخصي جداً عن تجربة فعلية للوجان أوتوماتيك 2012
 
بسم الله الرحمن الرحيم
الصلاة و السلام على أشرف المرسلين سيدنا محمد النبي الأمين

ما شاء الله لا قوة إلا بالله
ربنا يديمها نعمة سليمة بدون خرابيش و يحفظها من الزوال إلا للتجديد لأفئة أعلى
و يدين خيرها و خير ما جبلت عليه و يكفيني شرها و شر ما جبلت عليه

بالنسبة للفئة السعرية بتاعتها - و كونها تصميم أوروبي أشترته رينو لتنفيذه من داتشيا - و بالمقارنة بنفس السيارات ذات نفس المواصفات مصرية التجميع

موتور 95/ 100
عفشة 99/100
سحب 95/ 100
تصميم كماليات داخلية 95 / 100
تصميم كماليات خارجية و شنطة سيارة 97/ 100
خامات صالون 90/ 100
توزيع مفاتيح الإضاءة و خلافة 97/ 100
اتساع صالون و ارتفاع سيارة داخلي 99/ 100
ارتفاع عن الأرض 99/ 100
طول و عرض كلي : مساحة داخلية 97 / 100
وسائل أمان أساسية 99/ 100 ( ينقصها إنذار و فرامل ABS فقط)
توزيع إضاءة داخلية 75/ 100
توزيع إضاءة خارجية 90/ 100
أداء التوكيل 95/ 100 ( يعيبه قصر عدد ساعات العمل و اختلاف المعاملة في بعض الفروع بدون مبرر)
تجهيزات الرفاهية 95/ 100 ( دركسيون مالتي فانكشن و كاسيت MP3 بدون USB لكن دفعة 2013 أفضل من 2012 حسب إفادة من سيستلم دفعة أغسطس)
الألوان المتاحة 80/ 100
العيوب غير الفنية:
تواضع خامات الكونسول 75/ 100
توزيع بعض الأزرار 80/ 100 (بعضها غير مألوف و مختلف عن ما يصدر لأمريكا اللاتينية و الخليج كما في الكوري)
إضاءة الصالون الخلفي 25/ 100

العيوب الفنية :
بعض مشاكل في دوائر الكهرباء الصغيرة بسبب ضعف الفيوزات (عادي كل مشكلة ليها حل)
لحام العتب في الجزء الخلفي ظاهر بدون مبرر في الإنتاج المغربي فقط ( حسب ما رأيت على اليوتيوب و يقال أنه لتسهيل تجميع MCV على نفس الشاسية)
رداءة التقفيل في بعض المناطق من أثر العزل بشكل واضح جداً و مستفز
الطلاء الخارجي و الداخلي للسيارة (لون و تطعيم كروم) سهل التقشير جداً


السيارة في المجمل

تناسب الطرق المصرية بشدة
مستوى الرفاهية في إرتفاع ملحوظ و سريع( لن يتحقق إلا بتكاتف ملاكها و المطالبة بتحسينه باستمرار)
بالرغم من ارتفاع اسعار قطع الغيار إلا أن السيارة معمرة و اعتمادية و بالتالي على المدى مع انتشارها ستنخفض أسعار قطع الغيار (بخاصة لو تمكنا من تقليل احتكار الوكيل لقطع الغيار)

تقييم عام
95/100 كأداء و اعتمادية
99/ 100 اتساع و تصميم ذكي(شكلاً و موضوعاً)

أنصح بشراءها بنسبة 85% لأي أسرة مصرية صغيرة بخاصة في مقتبل الحياة
أو أسرة متوسطة ترغب في شراء سيارة اعتمادية بسعر مناسب و أفضل قيمة سعرية لفئة 70.000 إلى 80.000

تقييم شخصي جداً يحتمل الخطأ و الصواب للوجان أوتوماتيك 2012

أشكركم مقدماً لمروركم العطر و مشاركتكم القيمة حتى و إن اختلفتم في الراي معي كلياً أو جزئياً

أختكم توتة المصري

ربنا لا تؤاخذنا إن نسينا أو أخطأنا

YahiaAshraf 25-07-2012 01:57 AM

رد: تقييم شخصي جداً عن تجربة فعلية للوجان أوتوماتيك 2012
 
بسم الله ما شاء الله ربنا يحفظلك السياره
و الف شكر الموضوع الموضوع المتميز
بس كان عندى سؤال
بالنسبه للحام العتب
فده موجود فى النسخه المغربى فقط
و اللى موجوده دلوقتى الرومانى ازاى فيها هى كمان

ده موضوع عن قصة اللحام
http://www.masrmotors.com/vb/showthread.php?t=92662

و مره تانيه الف الف شكر على الموضوع

تحياتى

YahiaAshraf 25-07-2012 01:58 AM

رد: تقييم شخصي جداً عن تجربة فعلية للوجان أوتوماتيك 2012
 
دة نهاية الرفرف ومالوش دعوة بالشاسيه
http://im23.gulfup.com/2012-07-24/1343092715401.jpg

Tota El Masry 25-07-2012 02:22 AM

رد: تقييم شخصي جداً عن تجربة فعلية للوجان أوتوماتيك 2012
 
ربنا يبارك في حضرتك أ/ يحي
بتاعتي منشاها المغرب دفعة ثاني دفعة في 2012 الإفراج بيقول بلد المنشا المغرب و المرور ما بيكدبش إلا إذا كانت ده تاني خدعة من التوكيل شربني المغرب و نزل بعد كده الروماني
لكن م اعتقدش
عموماً حصورها في الضوء الصبح و أنزل الصور مجرد ما اروح الجراج و حوري لحضرتك منظر شنطة العربية و الكبوت و احكم أنت و كمان الجزء السفلي من السيارة لما تفتح الباب
لكن بالنسبة ليا مش مهم
مش أكل و بحلقة
أروبي
أوتوماتيك(ستيبترنك)
موتور 16 صباب / 2كامة
معفية الجمارك
صالون ملعب اسكواش
شنطة بيسين صغنن
ارتفاع يقارب الدوجان و الشاهين
أيرباج
مالتي فانكشن
توكيل محترم حتى لو اختلفت معاه بيرد بشياكة
كل ده بـ 79ألف و أتأمر

دا أنا ربنا يحاسبني بقى
الكمال لله وحده

والله لو هامر و لا فيراري ليكون فيها عيب ولو غير ملحوظ

Tota El Masry 25-07-2012 02:24 AM

رد: تقييم شخصي جداً عن تجربة فعلية للوجان أوتوماتيك 2012
 
و بعدين شجع الصناعة العربية لحد ما ربنا ياخد بيد الصناعة المصرية أو ياخد اصحاب الذمم الخربة و يريحنا منهم نهائياً
ماله المغربي
برشا جميل


الساعة الآن 11:53 AM.

Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017