ايهما افضل رينو 9 او رينو 18 ام بيجو 305
 

السلام عليم و رحمة الله و بركاته
اخوانى الاعزاء انا امامى ثلاث سيرات
الاولى بيجو 305 بحال جيدة جدا موديل 79 المطلوب 13
الثانية رينو 9 موديل 82 المطلوب 12
الثالثة رينو 18 موديل 81 المطلوب 11
ارجو الافادة من الافضل

رد: ايهما افضل رينو 9 او رينو 18 ام بيجو 305
 

بص يا باشا أنا هقولك عن تجربة لعربيتى و هى رينو 18 ...

لو العربية حالتها جيدة يبقى مبروك عليك لأنها عربية ممتازة فعلا متورها قوى جدا و ثبات جميل ....

المشكلة اللى كانت بتقابلنى معاها هى قطع الغيار و ميكانيكى يفهم فيها .......

مشكلة الميكانيكى أتحلت الحمد لله و لقيت ميكانيكى أبن حلال بيفهم فيها و أنا ماشى معاه من زمان

قطع الغيار بجيبها من القاهرة بالطلب بس هى غالية شوية

غير كدا العربية ممتازة بشرط الحالة .....

بالتوفيق إن شاء الله >>>>>>>>>>>

http://img858.imageshack.us/img858/4...nault18gtl.jpg

رد: ايهما افضل رينو 9 او رينو 18 ام بيجو 305
 

الرينو 9 اكثرهم تاوفر لقطع الغيار يليها 18 ومش غالية
وال305 لو غاوى بهدلة

رد: ايهما افضل رينو 9 او رينو 18 ام بيجو 305
 

أنا شايف الأسعار ما شاء الله ممتازة ، بس ده يقلق؛ لأن معناه إن العربيات حالتها تعبانة.
عموما أنا زميلي في العمل معاه رينو 9، وبصراحة هي عربية متعبة شوية ومش أي حد يشتغل فيها. قطع غيارها موجودة بس مش الفرنساوي طبعا. وبصراحة لا أنصح بيها.
الرينو 18 زي ما قال الزميل الفاضل عربية حلوة بس لو حالتها كويسة، لكن قليلة جدا، وهتتعب في قطع غيارها والميكانيكي إلا هيشتغل فيها.
ومن وجهة نظري البيجو 305 رغم إنها قليلة برده لكن مش هتتعبك في التصليح؛ لأن في ناس بتفهم فيها، وهتعتمد في معظم الأحيان بالنسبة لقطع غيارها على سوق الاستيراد.
هو بصراحة حضرتك حاططنا في ثلاث عربيات قليلين فعلا ومشاكلهم كثيرة. لكن الأسعار بصراحة حلوة.
استخير ربنا سبحانه واكشف عليهم كويس، وتوكل على الله وخد إلا حالتها أحسن. ربنا يوفقك

رد: ايهما افضل رينو 9 او رينو 18 ام بيجو 305
 

الف شكر لكم اخوانى الاعزاء و جزاكم الله خيرا
انا فعلن مرجح 305 منتشرة شويه عن الباقى