صور السيارة جاك بى 15
 

السلام عليكم

يا ريت يا ملاك الجاك بى 15 ترفعولنا صور العربية اللى معاكم اللى من استعمالكم
علشان نفسى اشوفها بالاخص بعد الاستعمال و ايه اخر الاخبار بعد الاستخدام انا اخر حاجة قريت عنها كانت 15000 كيلومتر

رد: صور السيارة جاك بى 15
 

هحاول ارفعلك صور مصورها بس هى مش كتير
العربية معايا تمام
والمالك الاول فالجمهورية اخر تواصل ليا معاة كان عمل 15600 كيلو والحمد الله ربنا يباركلة فيها ومفيش مشاكل
هو حضرتك بتقارن بينها وبين اية؟؟

رد: صور السيارة جاك بى 15
 

اولا بلاش حضرتك دى ,, احنا هنا كلنا اخوات يعنى ,,, مش كده ولا ايه
ثانيا انا مش بقارن انا اصلا كنت ناوى اجيب النيو اكسنت اوتو لانى مش بفضل المانيوال
بس كل ما انزل اشترى يطلعلى خا ....... ولا بلاش ,,, و بالصدفة شفت الموضوع بتاع جاك و عجبتنى اوى بس دى صور من البلد المصنع ,, ورحت للتوكيل فى عز الصيام الساعة 4 بعد الشغل و ملقتش العربية هناك و رحت بعد الفطار فى نفس اليوم المهندسين برضه ملقتش العربية
بصراحة عايز اشوف اللى جايلنا احنا ايه و ايه شكله و جودته ,,,, انا شفت الفئة a و حلوة اوى بالنسبة لسعرها كخامات وشكل قريب اوى للافيو و كابينة النيو اكسنت
المهم مش عايز اطول ,,, انا لما عجبتنى الفئة دى قلت امال البى الاغلى هتكون عاملة ازاى
ف نفسى اشوفها لانى ممكن اغير رايى بصراحة حتى بعد ما عرفت ان فيها وسائل امان وشفت فيديو على اليو تيوب لاختبار التصادم و كان ميه ميه من الجنب ومن الامام
فبدات تدخل عقلى ,,,, وممكن جدا اتغاضى عن موضوع الاوتوماتيك ده ,,,

رد: صور السيارة جاك بى 15
 

ربنا يهديك ويبعد عن كل شئ يخليك تزعل

رد: صور السيارة جاك بى 15
 

اولا هى تفرق عن الفئة اية فمليون حاجة
الوسع الداخلى والخامات المستخدمة فالطابلوة ووسائل الامان وثاعدة العجلات
وحضرتك العربيات الى جاية من نفس خط انتاج العربيات الى بتنزل فالصين لانة نفس المصنع ومفيش تغير عن العربيات الى بتنزل مصر عن العربيات الى تنزل الصين هى هى مفيش اختلاف
والعربية مانيوال ومفيش اوتوا للاسف ومش عارف هينزلوا ولا لا بردو؟!!
العربية اجمالا اوسع من النيو اكسنت والخامات المستخدمة انضف وهتلاحظ الفرق بنفسك
وطبعا التجهيزات الى مش موجودة فالنيو اكسنت
فرامل abs ebd
2وسادة هوائية
جنوط 16
وصلة usb مع سى دى وراديو
قاعدة عجلات 2710
نكيف ديجيتال
فتحة تكيف فى الخلف
طابلوة مكسى بالجلد
دة الى فاكرة حاليا بقى
وربنا يعينك على الشراء الافضل
سواء الاكسنت وهى عربية جميلة ايضا ومنتشرة وقطع غيارها منتشرة وعربية عملية اكيد
اوالجاك بجمالها وشخصيتها المنفردة وخاماتها ووسعها والاوبشن الموجود فيها
ورمضان كريم عليك