الأوفر درايف في النيسان صني الأوتوماتك
 

(what)
بعد السلام والتحية عندي إستفسار صغير هوا بصراحة مش صغير؟
أولا أنا معايا نيسان صني إي إكس صالون موديل 2009 أوتوماتيك و إيه بي إس عاملة حوالي 4000 كيلوا وكنت بستفسر عن الأوفر درايف في كام نقطة محددة:
1-إيه هوا الأوفر درايف؟
2-إزاي بيشتغل أو إيه فكرة عمله؟
3-إيه هيا مميزاته وعيوبه؟
4-إيه هيا الطريقة الصحيحة لإستخدامه؟
5-إمتى يبقى شغال وإمتى يبقى مطفي؟(ياعني بصيغة أخرى هوا بيكون شغال لما تكون اللمضة منورة في التابلوه ولا العكس)
(طيب لما بيكون شغال بيكون صوت الماتور أهدى ولا أعلى)(what)(what)(what)
بصوا يا جماعة أنا قسمتلكوا الأسإلة في نقط ياريت ياريت ياجماعة حد يرد عليا ويفيدني أو إن شاء الله حتى لينك في أي موقع عليه الداتا الي أنا محتاجها.ايه ياترى

رد: الأوفر درايف في النيسان صني الأوتوماتك
 

الاوفر درايف هو النقله الاخيره في الفتيس الاتوماتيك
بالنسبه للصاني هو النقله الرابعه و سوف نشرح في باقي الاسئله ما المراد منه فلا داعي للتشتت
بيشتغل عادي يعني النقله الرابعه بتاخدها العربيه زيها زي اي نقله

مميزاته بيحافظ علي الموتور اهدي و عدد لفات الموتور اقل
السؤالين دول هما مربط الفرس
الفتيس الاتوماتيك بالصاني به اربع نقلات اتوماتيكيه تنقل حين وصول الموتور لعدد لفات او سرعه معينه
الزرار الموجود في الفتيس دا وظيفته اغلاق الاوفر درايف و حتلاقي لمبه برتقالي في التابلوه بتقول o/d off
و الزرار دا بيقفل الفتيس عند تلات سرعات فقط و لا يسمح للفتيس بالنقل اي السرعه الرابعه.
و فائدته هو عند المشي علي سرعات متوسطه بدايه من 80 الي 120 نقل الفتيس من السرعه الرابعه الي السرعه الثالثه لزياده العزم و التسارع( لو بتعدي من جنب مقطوره مثلا او محتاج تسارع قوي لاي سبب) و في الحاله دي صوت الموتور حيعلي(كانك نقلت من الخامس للثالث في عربيه مانيوال)
الي الوصول الي سرعه قصوي بمعدل 150 مثلا و سوف تجد السياره لا تستطيع الزياده في السرعه و صوتها يكون عالي فقط.
في هذه الحالخ يجب الضغط مجددا علي الزر لكي تطفي اللمبه و تسمح للفتيس بالنقله الرابعه.
سوف تجد السرعه تزداد مره اخري.....


هناك الكثير من الافراد يعتبرون الاوفر درايف نقله جديده لكنه خطأ
زر الاوفر درايف يسمح للفتيس فقط بالمرور بين ثلاث سرعات دون الرابعه ليعطي تسارع اقوي

رد: الأوفر درايف في النيسان صني الأوتوماتك
 

رد: الأوفر درايف في النيسان صني الأوتوماتك
 

GIFT4UROSE4U
ميرسي قوي ياحازم باشا على الإفادة ودا الي إتعودنا عليه على طول من رجالة مصر موتورز.
أنا ماكنتش فاهم بس ربط بينه وبين الأر بي إم ولاحظت بس صوت الماتور وهيا ماشية وأنا طافي الأوفر درايف بيعلى قوي فا بس وعليها قومت مشغله على طول بقى.
ولما جيت وأنا ماشي قولت أجرب أطفيه لقيتها سحبت والآر بي إم علي فهمت إنه وظيفته السحب لفترة من الزمن ونفعني في كام موقف كدة بس بقى إيه عرفت بعد ماعملت غلطة وحشة قوي بصراحة أولا أنا كنت في أول ألف فا كان غلط جدا إني أطفيه وأقرص على الماتور بالشكل ده بس خلاص من ساعتها والله وأنا سايبه شغال على طول وفي العجلة الندامة وفي التأني السلامة.
وبعد مافهمت من حضرتك يبقى أنا فعلا كان تصرفي صحيح هوا أنا هستفيد إيه ياعني من إني أغير على تلات غيارات بس بعد ال5000 كيلوا بقى أبقى أعمل إلي أنا عايزه.
متشكرين مرة تانية يا أ.حازم.
بس هوا أصلا كان غلط إنهم يتصرفوا فيها بالشكل دا كان ممكن بمنتهى البساطة يبقى فيه غيار إسمه 3 في الفتيس ودا بيدي نفس الوضع بالظبط ومن غير لخبطة
أولا إنتا عندك لما الزرار بيكون مضغوط ياعني الأوفر درايف مطفي ياعني اللمضة في التابلوه منورة ودي حاجة عكسسية تلخبط إلي ماكانشي عنده الأوفر درايف دا في عربيته قبل كدة بس ملحوقة الحمد لله.444546

رد: الأوفر درايف في النيسان صني الأوتوماتك
 

(what)
ممكن أستوضح منك على شوية حاجات كدة؟
دلوقتي إنتا دايس بنزين بمعدل عادي جدا ياعني ماوصلتش للكيك داون لحد الـ 140 بتكون لسة ماشي على التالت مش كدة؟
وبعدين بتلاحظ إني صوت الماتور عالي والـ الأر بي إم عالي وإنتا لسة بنفس معدل دوستك على البنزين لا خفيت ولا زودت والعربية بتسقط غيار إزاي بقى ياعني بتنقلك على التاني (إستحالة على فكرة دي كانت دخلت في الرد زوون). تفسيري والله أعلم إنك بتبقى على الغيا ر الرابع والعربية تقيلة شوية في السحب فا بتدوس زيادة على البنزين بتوصل للكيك داون ساعتها الفتيس بيفهم إنك عايز تسحب في اللحظة دي فابيسقطلك غيار كدة دا طبيعي (وفعلا بتسحب من 140 لحد 150) وبعد فترة بيضطر يعلى للرابع تاني بردو كدة مافيش مشكلة بس إزاي ياعني لما بتطلع على الرابع تاني السرعة بتنزل؟
(what)
طيب ياباشا بعد إذنك إنتا قولت إنك روحت مراكز الصيانة أنهي مراكز صيانة بالظبط وفي أنهي فرع منها؟
عايز منك شوية توضيحات بس علشان نعرف نفهم.
كمان ياباشا إنتا ماقولتلناش عربيتك إيه بالظبت وموديل كام؟