مصر موتورز مجتمع السيارات - عايز ميكانيكى نيفا وبتاع عفشه يكونو متخصصين لادا

السلام عليكم
الحمد لله بعد معاناه فى البحث عن عربيه نيفا ونزول سوق السيارات اكثر من مره كنت مره الاقى عربيه واحده بس معروضه فى السوق كله ومرات مافيش خالص
المهم الحمد لله ربنا وفقنى بعريبه نيفا كانت بتتشد فى ورشه وبتتجدد شفتها وهى مفكوكه خالص وده ساعدنى انى اعرف اعاينها كويس المهم دورت على صاحبها واشتريتها منه هى مشدوده سمكره و دوكو وعامل عمرة موتور ولسه كان فيها زيت الموتور بتاع التليين .
دلوقتى هى العربيه ماشاء الله ممتازة معايا لاكن حابب اكشف على العفشه علشان اطمن وكمان عايز اعرف ميكانيكى محترم تخصص لادا علشان اتعامل معاه على طول ان شاء الله
ارجو من الاخوه المساعده وكل اللى عرف ميكانيكى كويس يدلنى عليه ويكتب عنوانه ورقم تليفونه
ولكم جزيل الشكر
وكل عام والجميع بخير