|
رد: عيوب لادا 2107 ادخل فوراً
السلام عليكم جميعا
بصراحة ياجماعة الموضوع مش متاهة ولا حاجة فيه مثل بيقول مفيش حاجة وحشة على قد سعرها بس الأهم كل واحد يشوف ايه مقدرته قبل ما يشتري عربية وبعد ما يشتريها عموما أنا معايا لادا 2107 موديل 2008 مصري 1600 سي سي كربراتير وبصراحة العربية دي أقل ما توصف بيه إنها أصيلة بمعنى الكلمة بس بشرط العربية دي تديها وماتبخلش عليها وهتلاقيها أصيلة معاك في كل حاجة بالنسبة للروسي 1500 سي سي إنجيكشن عربية ممتازة بكل المقاييس مقارنة باللوجان على عكس ما الناس بتقول يكفي ان قطع غيارها ببلاش الا ربع على عكس اللوجان اللي سير الكاتينة بتاعها اللي بيتغير كل سنة تمنه 2000 جنيه في حين ان اللادا 2107 هي العربية الوحيدة اللي سير الكاتينة بتاعها جنزير صلب مش هاتغيرو اساسا. ده على سبيل المثال وليس الحصر خد عندك بقى البربريز والفوانيس واحسب الفرق يامعلم نقطة تاني مهمة جدا وهي نقطة ان اللادا بتعوم على الطريق والكلام ده مش مظبوط بالمرة العربية اللادا من أكتر العربيات ثباتا على الأرض بس المشكلة ان فيه ناس كتير بتركب علايات للعفشة ورا وهو ده اللي بيخلي العربية تعوم في السرعات العالية والأسهل من ده وعن تجربة انك لما تغير طاقم الكاوتشات اللي جاي مع العربية ومقاسه 175/70 وتركب مقاس 185/70 وابقى ادعيلي هاتعلي العربية وفي نفس الوقت الكاوتش على الارض بيكون أعرض وبيخلي العربية طوبة على الأرض باقي اني أقول ان ال 1600 كربراتير هاتوفرلك جامد جدا لأنك هاتمونها بنزين 80 بس يفضل انك تنضف الكربراتير كل فترة وتهتم بتغيير البوجيهات كل 6 شهور وال 1500 انجيكشن تمونها 92 وتهتم برضو بالبوجيهات كل 6 شهور بس مش هاتوفرلك فلوس طبعا أخر نقطة ودي مهمة جدا وهي زيت الموتور نصيحة لا تستخدم أي زيت للموتور غير Mobil XHP ده الجركن بتاعه ب 100 جنيه وبيتغير كل 3000 كم مرتاااااااااااااح وربنا يعلم اني أحيانا بسيبه 5000 كم دي قصة اللادا 2107 بإختصار يارب أكون أفدت |
رد: عيوب لادا 2107 ادخل فوراً
مشكور يا أستاذ هاك
ولدي بعض التعليقات اقتباس:
طقم الكتينة في اللوجان (سير + مستلزمات من بلية وشداد وغيره)=575 جنيه أصلي من التوكيل اقتباس:
كثير من السيارات به سير الكتينة جنزير حديد وليس سير مطاطي وأكثرهم إزعاجاً على الإطلاق هو الخاص باللادا 2107 اقتباس:
وبدون علايات ولا حاجة لذلك لا أنصح أحد يمتلكها إنه يعتبرها سيارة ثابتة وبتاعت جري عشان هتخونه |
رد: عيوب لادا 2107 ادخل فوراً
الأستاذ احمد 1981
مينفعش تقارن لادا ب اللوجان فى فرق رهيب بين الأتنين و بعدين الرينو عامه قطع غيارها غاليه نوعاً ما بالمقارنه بقطع غيار لادا انا معايا لادا 2107 موديل 2006 - 1600 المصرى عربيه كويسه جدا معملتش اى مشاكل معايا خالص وبتستحمل كويس اوى بس هى عربيه محتاجه متابعه فى الصيانه تحافظ على تغير الزيوت و طقم الكهرباء فى معادها وتربط العفشه كل 6 شهور حسب الإستعمال وهيه كويسه على قد فلوسها |
رد: عيوب لادا 2107 ادخل فوراً
اقتباس:
نشوف سعر الإثنين اللوجان واللادا 2107 الروسي لوجان 1600 cc موديل 2010 بدون كماليات سعرها 57000 جنيه لادا 2107 1500 cc روسي موديل 2010 بدون كماليات سعرها 54500 جنيه الفرق في السعر 2500 جنيه فقط لا غير ولا حاجة خالص أنا قارنت المستورد بالمستورد طبعاً اللادا المصري الفاضية سعرها 48000 جنيه يعني فرق 9000 جنيه برضه ولا حاجة في سبيل سيارة جديدة اقتباس:
قطع غيارها ليست على مستوى الرينو الفرنساوي أرخص منها لكن أكيد إنها أغلى من اللادا لكنها معمرة أكثر من قطع غيار اللادا ولا تنسى أن اللادا 2107 ضمان 10000 كلم تقريباً أو 15000 كلم أو سنة اللوجان ضمان ثلاث سنوات (ويمكن خمس سنوات على ما أذكر) أو 100000 كلم (على ما أذكر) فرق شاسع وبعدين اللي بيشتري زيرو النقطة دي مش مؤثرة لأنك في الضمان والمفروض السيارات الزيرو مبتصرفش قطع غيار قبل خمس سنين إستعمال يمكن مشكلة اللوجان إنها عليها طابور حجز طويل واللادا جاهزة في المحلات لكن اللي بيشتري عربية جديدة يصبر لأنه مش كل يوم هيشتري عربية |
رد: عيوب لادا 2107 ادخل فوراً
افادكم الله
معلومات مفيدة انا معايا لادا 2107موديل 1994 روسي وإستفدت حاجات كتير سوف انفذها في سيارتي |
| الساعة الآن 05:52 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017