مصر موتورز مجتمع السيارات - لاخوة الاعضاء ارجو المساعدة للاهمية

مصر موتورز مجتمع السيارات (https://www.masrmotors.com/vb/index.php)

- Tiggo (https://www.masrmotors.com/vb/forumdisplay.php?f=189)

- - لاخوة الاعضاء ارجو المساعدة للاهمية (https://www.masrmotors.com/vb/showthread.php?t=45511)

لاخوة الاعضاء ارجو المساعدة للاهمية

الحمد لله اشتريت تيجو 1600 وعاملة 1000 وان شاء الله رايح صيانة الالف
بس عندى شوية ملاحظات عايز اسال عنها
اولا عندى زرار فى التابلوة جنب الولاعة مكتوب عليه security وفية لمبة حمرا بس مش بتنورمش عارف ده بتاع ايه ؟؟؟؟؟؟؟ ودورت فى الكتالوج مالقيتهوش ........

ثانيا لمبة الشبورة الخلفية اليمين مابتنورش ؟؟؟ وشوفت عربية واحد صاحبى جايبها فى نفس التوقيت معايا لقيت فيها نفس المشكلة ؟ ولما سالتة قالى انه شاف كذا عربية وبرضة اللمبة الشمال بس هى اللى بتنور .. فهل ده طبيعى؟؟؟؟؟

ثالثا زرار مصابيح الشبورة الخلفى مابنورش اللمبة الا لما اشغل زرار المصابيح الامامية الاول ... فهل ده طبيعى ؟؟؟؟؟

رابعا عداد المسافات عندى فيه 3 حاجات الساعة الرقمية فى اليمين لاعلى وجنبها رسم زى الساعة اللى بعقارب وفى الاسفل عداد المسافات لكن فى الكتالوج مكتوب انة بيبقى فوق عداد للمسافة المقطوعة فقط ودا مابيظهرش عندى فهل هذا هو الطبيعى ؟؟؟؟؟؟؟ وكيف احدد المسافة المقطوعة ؟ وكيف اضبط الساعة لانى مش عارف خالص لان مافيش غير زرار واح اعتقد انه بتاع مسح عداد السرعة ؟؟

خامسا عند نقل السرعة للتانى والتالت بحس انالفتيس بيعض معايا .... فهل دا طبيعى ولا انا مش محدد مسارات كل نقلة ؟؟ لانى مثلا مش متعود عليها ؟؟ ولا دة عيب فيها؟؟

سادسا التزييق الواضح فى العفشة ودا مش بيظهر غير فى السرعات البطيئة او فى الارض الغير ممهدة والمطبات ؟؟؟؟؟؟؟؟

ارجو الافادة من حضراتكم

وهل فى صيانة الالف اقولهم على الحاجات دى كلها؟؟؟
وهل هتتصلح ولا هى مشاكل عامة فى التيجو؟

اسف على الاطالة وارجو سرعة الرد وجزاكم الله خيرا

رد: لاخوة الاعضاء ارجو المساعدة للاهمية

اولا : مبروك على حضرتك العربيه وربنا يديك خيرها ويديك شرها .
ثانيا : كل المشاكل اللى حضرتك بتقول عليها دى بسيطه وتتحل بأذن الله فمفيش داعى لأى نوع من القلق خالص بس كل اللى مطلوب من حضرتك تكتب كل المشاكل دى فى ورقه صغيره عشان متنساش وتروح فى صيانه ال1000 وتقولهم عليها وصدقنى كلها هتتحل بأذن الله واى عربيه جديده كده هى ال1000 كيلو الأولى وبعد كده هتظبط معاك العربيه خالص

رد: لاخوة الاعضاء ارجو المساعدة للاهمية

اقتباس:

المشاركة الأصلية كتبت بواسطة flight_angle (المشاركة 333421)

الحمد لله اشتريت تيجو 1600 وعاملة 1000 وان شاء الله رايح صيانة الالف
بس عندى شوية ملاحظات عايز اسال عنها

الف الف مليون مبروك يا غالي و ربنا يباركلك فيها و يكفيك شرها
اولا عندى زرار فى التابلوة جنب الولاعة مكتوب عليه security وفية لمبة حمرا بس مش بتنورمش عارف ده بتاع ايه ؟؟؟؟؟؟؟ ودورت فى الكتالوج مالقيتهوش ........

بصراحه انا مش عارف لان مش معتاد اركبها فاسال اصحاب العربيات او اسال في التوكيل اضمن

ثانيا لمبة الشبورة الخلفية اليمين مابتنورش ؟؟؟ وشوفت عربية واحد صاحبى جايبها فى نفس التوقيت معايا لقيت فيها نفس المشكلة ؟ ولما سالتة قالى انه شاف كذا عربية وبرضة اللمبة الشمال بس هى اللى بتنور .. فهل ده طبيعى؟؟؟؟؟

اه طبيعي ياغالي هي نازله لمبه عاكس و لمبه بتنور بفنوس

ثالثا زرار مصابيح الشبورة الخلفى مابنورش اللمبة الا لما اشغل زرار المصابيح الامامية الاول ... فهل ده طبيعى ؟؟؟؟؟

طبيعي و كل الاسبرانزا كده لان طبيعي مش هتشغل الخلفي الا اما تشغل الامامي لان اساسا الخلفي معمول في اقصي ظروف الشبوره و الضباب مش غتاته علي البشر الي وراك لانه فعلا مؤزي في الاوقات العاديه

رابعا عداد المسافات عندى فيه 3 حاجات الساعة الرقمية فى اليمين لاعلى وجنبها رسم زى الساعة اللى بعقارب وفى الاسفل عداد المسافات لكن فى الكتالوج مكتوب انة بيبقى فوق عداد للمسافة المقطوعة فقط ودا مابيظهرش عندى فهل هذا هو الطبيعى ؟؟؟؟؟؟؟ وكيف احدد المسافة المقطوعة ؟ وكيف اضبط الساعة لانى مش عارف خالص لان مافيش غير زرار واح اعتقد انه بتاع مسح عداد السرعة ؟؟

ظبط الساعه بانك تتك مده طويله حبه علي الزرار وتسيب ايدك هتلاقي الساعه بدات ترعش ابدا اتك بسرعه علي الزرار هتلاقي الساعه بدات تتظبط وهكذا اما بالنسبه للعدادات اسال التوكيل اضمن

خامسا عند نقل السرعة للتانى والتالت بحس انالفتيس بيعض معايا .... فهل دا طبيعى ولا انا مش محدد مسارات كل نقلة ؟؟ لانى مثلا مش متعود عليها ؟؟ ولا دة عيب فيها؟؟

ممكن يكون في مشكله بسيطه و سهل حلها جد و ممكن عدم تعود فاسال في صيانه الالف اضمن

سادسا التزييق الواضح فى العفشة ودا مش بيظهر غير فى السرعات البطيئة او فى الارض الغير ممهدة والمطبات ؟؟؟؟؟؟؟؟
هتنحل في صيانه الالف عادي لان العفشه لسه جديده و لسه متزيتشش بصيانه الالف هتتظبط متقلقش
ارجو الافادة من حضراتكم

وهل فى صيانة الالف اقولهم على الحاجات دى كلها؟؟؟
وهل هتتصلح ولا هى مشاكل عامة فى التيجو؟

خلي الصيانه باب نقاش و اطمأنان ليك و متقلقش كلو خير و بسيط باذن الله

اسف على الاطالة وارجو سرعة الرد وجزاكم الله خيرا

اتمني ان اكون افادتك و بالتوفيق يارب
والف مبروك ياغالي

تقبل خالص تحياتي

رد: لاخوة الاعضاء ارجو المساعدة للاهمية

اقتباس:

المشاركة الأصلية كتبت بواسطة BASSEM BESO (المشاركة 333589)

شكرا اخى الكريم على الرد وجزاك الله كل خير وان شاء الله هاقولهم فى الصيانة على المشاكل اللى قابلتنى

رد: لاخوة الاعضاء ارجو المساعدة للاهمية

اقتباس:

المشاركة الأصلية كتبت بواسطة aboelesaad (المشاركة 333610)

اتمني ان اكون افادتك و بالتوفيق يارب
والف مبروك ياغالي

تقبل خالص تحياتي

الاخ الكريم ابو الاسعاد اشكرك جزيلا على سرعة الرد وعلى المعلومات القيمة اللى ذكرتها الصراحة ريحتنى كتير لانى كنت قلقان ماانكرش عليك من كلام الناس الكتير السلبى عليها وان شاء الله هاسالهم فى الصيانة على المشاكل اللى قابلتنى
وان شاء الله خير