نيسان صنى تانى مرة...ارجوكم فيدونى اتخنقت
 

السلام عليكم و رحمة الله و بركاته
انا كنت عملت موضوع قبل كدة عن الصنى اللى مكملتش معايا 10000 كيلو و من الأول ظهرت فيها مشكلة السحب و رحت التوكيل مرتين و لا حياة لمن تنادى و الرد المعهود ده عادى جدا و ده طبيعى و العربية مفيهاش حاجة معلومة العربية 2011 و اتوماتك يا جماعة الموضوع فعلا محزن انا مش بعرف اطلع من عربية تانىه العربية تقيلة جدا طبعا مش هتكلم انى ساكن فى المقطم و العربية على المطلع اخر مسخرة ده غير التابلوة اللى بيقع من اول يوم و رحت التوكيل مرتين يصلحوا و قبل ما اخرج من المعادى بيقع تانى لما يأست حاجة جديدة ملاحظها العربية و هى واقفة بينزل منها بحر ميه انا قولت بسبب التكييف بس الموضوع زيادة يعنى الدايو مكنتش بتعمل كدة دى بتعمل بركة و ساعات بلاقيها منقطة و هى ركنة بس هى مش بتسخن انا خلاص دماغى هتفرقع علما بأن اخويا كان معاه 2008 مانيوال لما ساق بتاعتى قالى العربية سحبها زفت و استهلاكها فى البنزين هبل ارجو الأفادة ربنا يكرمكم

رد: نيسان صنى تانى مرة...ارجوكم فيدونى اتخنقت
 

حضرتك اول واحد تشتكي من موضوع السحب دة امال الاوفر دريف فايدتة اية؟؟؟

بمعني اية استهلاك البنزين هبل!!!
المعدل الطبيعي في حدود 220 كيلو للاوتوماتيك

رد: نيسان صنى تانى مرة...ارجوكم فيدونى اتخنقت
 

على فكرة مش انا اول واحد يشتكى من السحب انا عملت موضوع قبل كدة و حد تانى كان عنده نفس المشكلة و قالولوه بعد عذاب ده عيب الصناعيى انا بس عايز افهم السحب للصنى ضعيف لأن ده ردهم فى التوكيل و لا العربية اللى معايا فيها مشكلة؟؟؟ و ده رابط الموضوع الأولانى
http://masrmotors.com/vb/showthread.php?t=58232

رد: نيسان صنى تانى مرة...ارجوكم فيدونى اتخنقت
 

بعدين بالنسبة للأستهلاك البنزين المفروض لما روحت اشترتها الوكيل قالى ان موديل 2011 نازل بسنسور عشان يقلل استهلاك البنزين لأن دى شكوى كانت موجودة قبل كدة و هما حلوها

رد: نيسان صنى تانى مرة...ارجوكم فيدونى اتخنقت
 

انت بتروح انهى توكيل؟ لان النقطة دى بالذات بتفرق.