رد: يا جماعة انا زهقت من السيمبول
 

الصبر مفتاح السيمبول :HAPPY_~211:
وكلها كام يوم وتستلمي العربيه وتحكيلنا عنها عن تجربتها

رد: يا جماعة انا زهقت من السيمبول
 

thanks to all of you

اكيد اول ماتيجي هحكلهم عنها كتيرررررررررررررررررر

رد: يا جماعة انا زهقت من السيمبول
 

انا استلمت السيمبول من شهر يناير الماضى وعاوز أقولك انى اتعلمت عليها لانى مركبتش على أي عربية قبلها المهم بعد حوالي خمس شهور من الاستخدام انا شايف انها عربية رائعة لانى في بداية تعلمي للسواقة كنت رافع الكرسي علشان أقدر اشوف بداية العربية وطبعا رفع الكرسي مش موجود في عربيات كتير وعاوز أقولك انى عملت بيها أكتر من 7000 ك وسافرت بيها الصعيد حوالي 600 ك رايح وزيهم راجع العربية قيادتها سلسة جدا وممتعة طبعا مقدرش أقارنها بأي عربية تانية لانى مركبتش غيرها
الشيئ الوحيد اللى مريحنيش شوية هو التكييف يعنى باحس انه مش قوى
العربية تستحق المبلغ بالفعل بالمقارنة مع العربيات القريبة منها في السعر (دا رأيي)
في النهاية ارجو لك التوفيق

رد: يا جماعة انا زهقت من السيمبول
 

شكرا جدا على رايك

بس التكييف سيئ قوي يعني ؟؟؟؟؟؟؟؟؟؟؟
حتى لو شغلتوا على 2 او 3

سؤال تاني
انت كنت حاجزها من امتي واستلمتها ف يناير اصلي كده بقالي اكتر من شهر حاجزه

رد: يا جماعة انا زهقت من السيمبول
 

اولا اسف على التأخير في الرد
ثانيا التكييف مش بالسوء اللى انت متخيلاه يعنى شغال على 2 بيكون كويس لو الدنيا مش حر قوي لكن لو درجة الحرارة عالية لازم تشغليه على 3 بس المشكلة انى باحس انه ياخد وقت في اول التشغيل علشان يلطف جو العربية
أما بالنسبة لمسألة الحجز فأنا حجزت في في نهاية بوفمبر واستلمت في بداية يناير يعنى انتظرت شهر وكام يوم وكان ممكن أنتظر أكتر لكن الدفعة اللى كانت محجوز قبلي كان فيها واحد سحب الحجز بتاعه وكان حاجز اللون الاسود نفس الحجز بتاعي فالمندوب اللى حجز معاه كلمنى فرحت استلمت