مصر موتورز مجتمع السيارات - ما هي الاسباب لرخص اسعار السيارات الصينيه ؟

مصر موتورز مجتمع السيارات (https://www.masrmotors.com/vb/index.php)

- الصينى العام (https://www.masrmotors.com/vb/forumdisplay.php?f=42)

- - ما هي الاسباب لرخص اسعار السيارات الصينيه ؟ (https://www.masrmotors.com/vb/showthread.php?t=16797)

ما هي الاسباب لرخص اسعار السيارات الصينيه ؟

يا ريت اتلاقي اجابه عمليه
و ميرسي للردود مقدما

رد: ما هي الاسباب لرخص اسعار السيارات الصينيه ؟

علشان عندهم عماله رخيصه جداً و مصادر طاقه مش غاليه زى اوروبا مثلاً و مبيصرفوش على تصميمات او تكنولوجيا جديده علشان بيسرقو التصميمات او بيشترو تصميمات قديمه من شركات كبيره و مبيهتموش بحجات كتير جداً فى العربيه مثل اعتمادية و جوده الخامات المستخدمه و كل دى حجات تخلى العربيه رخيصه جداً

رد: ما هي الاسباب لرخص اسعار السيارات الصينيه ؟

اقتباس:

المشاركة الأصلية كتبت بواسطة m_o_sakr (المشاركة 107187)

اكيد العربيات الصيني رخيصه عشان سرقه التصميمات و سرقه تكنولوجيا المحركات
بس هختلف معاك في نقطه
لو جينا للاسبيرانزا 516 علي سبيل المثال و ليس الحصر
هنتلاقي الصاج بتاعها ناشف واداءها كويس و خاماتها معقوله لا هي ممتازه و لا سيئه
فازاي بقه العربيه دي بسعر الرخيص ده ؟

رد: ما هي الاسباب لرخص اسعار السيارات الصينيه ؟

ل رخص العمالة ووجود الموارد التي تقوم عليها الصناعةمتوفرة بشكل كبير تاني حاجة العربية مش بيتصرف عليها ابحاث واختبارات غير في بعد السيارات اللي بتكون شركات كبرا ومش بيكون في تصميمات لإن في الغالب بيشتروا التصميمات من شركات تانية وعلى فكرة الصين بدأت زي كوريا بالضبط تجميع ثمة صناعة عشان يوصلوا صح , شكرا

رد: ما هي الاسباب لرخص اسعار السيارات الصينيه ؟

اقتباس:

المشاركة الأصلية كتبت بواسطة pro mada (المشاركة 107192)

خلينا نشوف مثلاً العربيه اسبيرانزا a516: الموتور و العفشه و الفتيس متاخدين من شركات تانيه يعنى متصرفش عليهم حاجه, التصميم الخارجى و الداخلى مش من قبل شركه تصميمات كبيره و بالتالى متصرفش عليهم كتير, الخامات رخيصه فى الصين و بالتالى استخدام خامات معقوله مش مكلف ولكن منقدرش نقول خامات جيده و مش كل حاجه الصاج و الصالون, ما خفي كان اعظم عندك المكونات الميكانيكيه و الكهربائيه و دول الفرق بينهم كبير و بيفرق جداً فى اعتماديه العربيه و عمرها, باإضافه الى رخص الأيدى العامله و خامات الإنتاج فى الصين و إن العربيه متقفله هنا فى مصر فلازم العربيه تكون ارخص من كده كمان بس ابو الفتوح عايز يعوض الى راح منه :HAPPY_~211: