تشتري كيا كارينز ولا اسبرانزا تيجو 1.6
 

اليومين دول حاسس ان في اقبال علي العربيات العائلية والناس كلها بتقول عايز اجيب عربية عالية ووسعة وشكلها رياضي وانا لاحظت ان اغلب الاقبال اليومين دول علي الكارينز والتيجو ال 1600 فالسؤال هو لو هتشتري تجيب اية واية الاسباب للتفضيل مع العلم ان التيجو ب 80 الف والكارينز ب 105 الف دة التوكيل

رد: تشتري كيا كارينز ولا اسبرانزا تيجو 1.6
 

الكيا الكارينز:

- خامات افضل داخليا
- كوري مش صيني
- أعتقد موتورها مناسب لحجمها
- توكيل أفضل

رد: تشتري كيا كارينز ولا اسبرانزا تيجو 1.6
 

اعتقد يا ابو يمنى ان الصينى كمان سنتين هايبقاله وضع منافس بشدة فى السوق مع الكورى وممكن يتفوق عليه كمان
لكن حاليا انا افضل الكورى وخصوصا لو كان كيا
من حيث التكنولوجيا الحديثة فى الموتور والخامات المستخدمة والتقفيل وعوامل الامان وخدمة مابعد البيع وسعر اعادة البيع توافر قطع الغيار وخدمة التوكيل
لكن من حيث الكماليات الصينى يكسب لان الصين بدأت تهتم بالكماليات الاول ثم الاهتمام بالجودة وقريبا المنافسة هاتبقى شديدة جدا من التنين الاصفر

رد: تشتري كيا كارينز ولا اسبرانزا تيجو 1.6
 

انا افضل الكيا سول بصراحه :)
عائليه برضه و مزيج بين الفور باي فور و الهاتش باك و الmpv و الستيشن في آن واحد

رد: تشتري كيا كارينز ولا اسبرانزا تيجو 1.6
 

أولا المقارنه بين سيارتين على الآقل تكون متشابهتين فى الحجم والآداء والموتور والثمن !

وحيث أن السيارتين مختلفتين فى الآربع نقاط دول ! يبقى مافيش وجه للمقارنه !

يعنى ممكن تعمل مقارنه بين الكارينز والماتريكس مثلا ! متقاربين فى النقاط !

انما عمومآ لو معاك ثمن الكارينز وبالتالى طبعا ثمن التيجو ! فان الكارينز أفضل من كل النواحى !

و لو محتاج ال 25000 جندى فرق السعر يبقى التيجو ! ( هذا لو مافيش غير السيارتين دول للشراء ) !

Dr. Bolbolan ptmnlo123per122