رد: بعد الاستخاره والتوكل على الله ....أخيرا ستروين C4 قولوا ماشاء الله
 

بسم الله ما شاء الله و لا حول و لا قوة إلا بالله

عربية جميلة جدا

ربنا يعطيك خيرها إن شاء الله و تتمتع بيها في الخير

مبروك

رد: بعد الاستخاره والتوكل على الله ....أخيرا ستروين C4 قولوا ماشاء الله
 

:260309~146:
ألف ألف ألف ألف مبروك يا أيمن (واحشني جدا) ، أنا حاسس بقلبك بيرقص و انت بتتكلم علي العربية -إزاي تفكر تسيب الفرنساوي- يا راجل دانت عاشق للسيارات الفرنسية بجد
العربية شكلها جميل و شكلها نضيف و بنت ناس علي رأي حازم
ألف مبروك و ربنا يرزقك خيرها
ألف مبروك و ربنا يكفيك شرها
ألف مبروك و واحشني جدا كأننا كنا بنتقابل من أيام ثانوي
:260309~146:

رد: بعد الاستخاره والتوكل على الله ....أخيرا ستروين C4 قولوا ماشاء الله
 

ألف مبروك يابوند ...... بس مش بالسرعه ديه تاخد عربون الفيلم من الدكتور بولبولان في المقابله وتروح قوام مفلكحه في عربيه جديده ... طيب كنت إستنى الفيلم يخلص ونروح نحجز سوى عربيه جديده من عند الناس الطيبين ........

ألف مبروك ياحبيبي والله كنت مبسوط جدا بمقابلتك في يوم الفطار بس كان نفسي نقعد مع بعض أكتر ... عامة الجايات أكتر من الرايحات

وربنا يديك خيرها ويكفيك شرها

رد: بعد الاستخاره والتوكل على الله ....أخيرا ستروين C4 قولوا ماشاء الله
 

الف مبروك يا ايمن ...
ومن كلامك فعلا هي دي العربيه اللي انت محتاجها
ومكنتش حتحب اي اختيار تاني .. حتى التوليدو مكنتش متحمس ليها كده
فعلا انسب اختيار
بس ما يمنعش برضو نتعرف على التوليدو .. قصدي نشوفها .. ptmnlo123per193
ولو كانت اتباعت ممكن نشوف الباسات سي سي و نحجزها ونبتدي نحوش مهرها ptmnlo123per1104
و العربيه ما شاء الله زي الفل
ربنا يديك خيرها و يكفيك شرها

وانا متمسك بحقي في لفه سي فوود كومبو لارج
وحسيبك تاخد لفه بالماتريكس علشان تحس بالفرق بين الانسيابيه و الثبات ptmnlo123per145

رد: بعد الاستخاره والتوكل على الله ....أخيرا ستروين C4 قولوا ماشاء الله
 

الا صحيح يا ايمن ...
هما ليه في سيتروين غاويين يحطو علامه الانتظار عند الراكب مش السواق ؟؟!!

http://up.arab-x.com/Sep09/Xa231016.jpg

http://up.arab-x.com/Sep09/shV30347.jpg

السي 5 برضو فيها نفس الحركه دي ؟؟!!

وانا برضو حاسس من الصور ان الشنطه اكبر من 310 لتر ... شكلها ميقلش عن 350 لتر