مصر موتورز مجتمع السيارات - أشارات اللوجان كده ليه؟!!

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

- - أشارات اللوجان كده ليه؟!! (https://www.masrmotors.com/vb/showthread.php?t=82967)

أشارات اللوجان كده ليه؟!!

من يومين سوقت اللوجان المانوال الكاملة بتاعة واحد صاحبى ، بسم الله ما شاء الله عربية فعلا محترمة وده كان رأيى فيها من قبل ما أسوقها ، المهم ظهرت مفاجأة وأنا جاى ألف شمال أديت اشارة شمال لتنبية من خلفى بأنى سوف أدخل يسارا .....وكانت المفاجأة ان علامة الأشارة فى التابلوة لا تعطى سهما واحدا ولكن يظهر السهامين مع بعض ( كأنك مدى اشارة انتظار!!!!) ......حاجة فى منتهى الغرابة ايه ياترى

رد: أشارات اللوجان كده ليه؟!!

ده عشان الإنتظار له لمبة تانية غير لمبه الإشارات الخضراء
:wave2W21::wave2W21::wave 2W21::wave2W21:

رد: أشارات اللوجان كده ليه؟!!

على ما أعتقد ومن مشاهدتى لصور هنا فى المنتدى وفيديوهات على اليوتيوب.

هي لمبة واحده بتنور للإنتظار وللإشارارت سواء يمين أو شمال (زر اللادا القديم كده) وده أحد نقط التوفير إللى ماليا السيارة!!

رد: أشارات اللوجان كده ليه؟!!

اقتباس:

المشاركة الأصلية كتبت بواسطة ahmedashraf (المشاركة 643863)

ديه مش نقط توفير ديه نقط ضعف وبصراحه تجيب النقطة لأنى أعتقد انها مش مكلفة خالص ، لازم أبقى عارف انى لما ادى اشارة يمين او شمال ( لانى طبعا مش هخرج راسى بره العربية علشاناشوفها شغالة ولا لأ) تبان عندى فى التابلوه

رد: أشارات اللوجان كده ليه؟!!

اقتباس:

المشاركة الأصلية كتبت بواسطة ali farouk (المشاركة 644039)

يعنى هي جت على دي, الكلاكس فى ذراع الإشارة, لا يوجد فتح للشنطة أو التانك من الداخل, أماكن زراير الزجاج مش قد كده, وأخيرا ودي أكتر حاجة بعدتني عن التفكير فيها... المرايات مبتقفلش (ودي أكتر حاجة مديقاني في المازدا 323 إللى معايا).

بجد لو الحاجات دي إتظبطت هتفرق كتير. أصلها حاجه تحرق الدم لما حد يكون راكب معاك مثلا ويلاقيك بتضرب كلاكس من ذراع الإشارة وتلاقيه يقوللك (ياااه دي أنا آخر مرة شوفتها كان في تاكسي بيجو!!!) :shyy: