مصر موتورز مجتمع السيارات - ما هو تقييمك لوكيل هيونداي و مراكز الخدمه

مصر موتورز مجتمع السيارات (https://www.masrmotors.com/vb/index.php)

- Hyundai هيونداى (https://www.masrmotors.com/vb/forumdisplay.php?f=37)

- - ما هو تقييمك لوكيل هيونداي و مراكز الخدمه (https://www.masrmotors.com/vb/showthread.php?t=462)

رد: ما هو تقييمك لوكيل هيونداي و مراكز الخدمه

السلام عليكم اعضاء منتدانا الجميل مصر موتورز بالنسبة لصيانة السيارة هيونداي هو فعلا مراكز خدمة غبور زحمة جدا و ده لان معظم الناس بتخاف تروح لمركز خدمة معتمد مع ان الشركة ليها حوالي 50مركز خدمة معتمد و ان كل قطع الغيار في كل المراكز من هيونداي كوريا و كمان معظم المراكز فيها اطقم عمالة مدربة تحت رعاية غبور
و في مركز تدريب غبور ابو رواش بالتحديد
طيب ليه متجربش مركز خدمة معتمد قريب منك و مع ذلك مش هتخسر حاجة جرب اي صيانة او اي مشكلة في العربية مع مركز خدمة معتمد و شوف
و شكرا

رد: ما هو تقييمك لوكيل هيونداي و مراكز الخدمه

انا جربت صيانة ال 10,000 كم"هيونداى فيرنا" فى مودرن سيرفيس , وهو مركز خدمة معتمد,الصيانة تمت فى اقل من ساعة!!!, مش عارف بقه تلصقو ولا عملهه بزمة!, المهم من السلبيات الى شوفتهه عند دفع تكاليف الاصلاح كان باقى 5 جنيه الراجل مدهمليش الا لما تنحط معاه و قولتله هات الباقى!, فنى الاستقبال كان شكله برضه عاوز حاجة

رد: ما هو تقييمك لوكيل هيونداي و مراكز الخدمه

والله العظيم التوكيلات دى مليها لزمة وعن تجربة وربنا يشهد على كلامى
بس الى ممكن يكون مقبول الصراحه كارتك العبور

رد: ما هو تقييمك لوكيل هيونداي و مراكز الخدمه

اقتباس:

المشاركة الأصلية كتبت بواسطة LORD777 (المشاركة 132475)

ارجو ياجماعة حد يدلنى اعمل اية انا عملت حادثة امبارح بالليل وفية بعض التلفيات فى مقدمة السيارة اوديها التوكيل ولا في ورش برة علشان الاسعار والوقت الزمنى ولو ودتها بورش خارجية هل قطع الالنترا الاصلية متوفرة ولا اية وعلى فكرة انا من الاسكندرية وعاوز اقرب فرع

السلام عليكم
انا عربيتى الفيرنا اتخبطة والأكصدام دخل لجوه وكانت محتاجه حتة سمكره بسيطه فى الرفرف
والفنوس اتكسر دفعت فى التوكيل 2300 جنيه
اكصدام جديد
فنوس جديد
سمكره ودوكوا ومصنعيات
الصراحه لو كانت بره كانت اتكلفةت اقل من كده كتير وبرده بمهاره والله اعلم

رد: ما هو تقييمك لوكيل هيونداي و مراكز الخدمه

كنت امتلك اكسنت 1300 موديل 2001 ومنذ استلمتها فى 8 / 2001 وحتى شهر

شهر 6 / 2009 وانا اذهب للتوكيل بصفة منتظمة والنتيجة

عيوب التوكيل :- ابوا رواش الرئيسى

1 - تغيير اى قطعة لمجرد انة فكها للوصول للقطعة التالفة فمثلا ً ان كنت تشتكى من

شمعدان العجلة الامامية فتم تغيير الشمعدان والصرة والبلى والاولسيل اى تكلفة بدون

داع وقد يكون الصرة مثلا ً سليمة ولكنة بيريح دماغة

2 - تغيير اى قطعة لمجرد الشك فيها دون التأكد من انها تحتاج الى تغير فمثلا ً ذهبت

اليهم بسبب ان العربية ( بتنتش اى بتقطع ) وتم تغيير بوبينة الكهرباء والبوجوهات

وسلك البوجوهات وضفيرة الاسبارتير وطلمبة البنزين وبعد فترة سمعت صوت عالى

فى طلمبة البنزين فقمت بتركيب القديمة والتى تم تغيرها بالتوكيل وشغالة زى الفل

3 - ارتفاع ثمن قطع الغيار والصيانة بطريقة مبالغ فيها جداً

4 - الزحمة الشديدة لكنى بعمل حسابى على يوم كامل

المميزات :-

1 - لابد ان تشعر بفارق فالسيارة للأحسن ولا يمكن ان تشتكى من نفس العيب مرتين

ودة طبعا ً من كونهم يقوموا بتغيير اى جزء لمجرد الشك بة

2 - فية نظام وتشعر بإرتياح للصيانة وتوافر جميع قطع الغيار ويقوموا بتوفيرها من اى

فرع وان كان يأخذ بعض الوقت

3 - انا شخصيا ً افضل الصيانة فالتوكيل ايا كانت التكلفة عدا شغل السمكرة - لا قدر الله

- لانهم يقوموا بالغيير دون محاولة استعدال مايمكن اصلاحة ولكن رش التوكيل يفرق

كتير عن شغل برة