محتار اشتري نيو اكسنت ولا نيسان صني برجاء الافادة
 

السلام عليكم ورحمة الله وبركاته
بالله عليكم افيدني لاني في حيرة كبيرة
هل اشتري نيو اكسنت لاني سمعت انها كويسة وقطع غيارها رخيصة بس كوري
ولا اشتري نيسان صني على الاقل ياباني مع انها تقفيل محلي
هوا بصراحة انا محتار وامكانياتي لغاية تسعين الف جنيه
وبردو بصراحة محتار هل الماتريكس كويسة ولا ايه الافضل من التلاتة دول في حدود المبلغ المتوفر معايا
برجاء الافادة لاني عاوز اشتري قبل شهر رمضان ضروري
لان محتاج السيارة الللي تكون متوفر قطع غيار بسعر مناسب وايضا تكون عائلية وقوية وتعيش مع الواحد
بامانة منتظر افادتكم ضروري

رد: محتار اشتري نيو اكسنت ولا نيسان صني برجاء الافادة
 

اسمحلى ارشحلك وده رائى الشخصى جدا
النيو اكسنت عن تجربه ناعمه وجميله وثباتها على الطريق كويس لحد 120 وممكن 140 كمان وطبعا بتجيب اعلى من كده بكتير بس خفيفه وقطع غيار متوفره ورخيصه وبالامانه مع ابن خالى وجربتها منه لمده يومين عربيه زى الفل موديل 2010 بالنسبه للصنى معرفش عنها الككتير بس شكلها مابيعجبنيش كذلك الماتريكس
بالتوفيق

رد: محتار اشتري نيو اكسنت ولا نيسان صني برجاء الافادة
 

الهيونداى احسن
قطع غيار رخيصة
واعلى سعر عند البيع
النيسان عربية كويسة بس مشكلتها انها مش عليها طلب فى المستعمل انما الهيونداى طبعا اعلى سعر فى البيع
بالنسبة للاحسن الماتريكس ولا الاكسنت
ده يرجعلك انت محتاج عربية شبابية يبقى الاكسنت
لو عندك اسرة ومحتاج سيارة عائلية برشحلك الماتركيس
ده راى الشخصى من خلال تجربة للسيارتين

رد: محتار اشتري نيو اكسنت ولا نيسان صني برجاء الافادة
 

شكرا ليك يا استاذ
lol64 بجد انا كدا اتطمنت لاني ان شاء الله ناوي انزل اخلص في العربية على الاسبوع الجاي قبل رمضان

رد: محتار اشتري نيو اكسنت ولا نيسان صني برجاء الافادة
 

شكرا بردو يا استاذ
skelbaz
انا بصراحة عندي عائلة بس صغير يعني الماتريكس ها تكون كبيرة علينا طالما ان الكفاءة واحدة بين الاتنين يبقى الواحد يستقر على العربية اللي شكلها شبابي وان شاء الله ادعولي ربنا يباركلي فيها
لان الاقتراحات كتير والبعض من الاصدقاء يقول لانسر طالما المبلغ معاك قرب من سعرها وانا بصراحة مش عاوز ادخل في ديون واقساط والكلام دا فان شاء الله اخلص في النيو اكسنت
بس لو حد يقولي وانا رايح اتاكد من ايه يوم وانا باشتري يبقى جزاه الله خيرا