الفيرنا بعد صيانة الالف الاولى
بعد عذاب تجربتى مع توكيل غبور - فرع ابو رواش - فى صيانة المحروسة بعد الالف الاولى احب لو تسمحولى - قال يعنى حد هايمنعنى من الكلام - اسجل ملاحظاتى على العربية بعد الصيانة
1- الاول كان صوت الموتور عالى قوى وبعد تغيير الزيت الصوت بقى اهدى بكتيييييير من الاول 2- سحب العربية فى الاول كان كويس بس مش قوى وبعد الصيانة بقى السحب ممتاز 3- الفرامل فى الاول كانت كويسة وبعد اسبوع يعنى حوالى 500 ك بقت خفيفة جدا لكن بعد الصيانة بسم الله ماشاء الله بقت ممتازة وده عن تجربة امبارح واليوم اتعرضت لموقفين فجأة وكنت بسرعة 100 والفرامل قفشت على طول - الله اكبر 4- التكييف فى الاول كان كويس وكنت بشغله على درجة 2 وبعد الصيانة بقى بسم الله ماشاء الله ممتاز وبشغله على درجة 1 وفى عز الحر النهاردة درجة الحرارة 41 درجة والتكييف ثلاجة 5- الحدفة اليمين اللى فى العربية زادت - دا طبعا عشان العباقرة اللى ظبطو الزوايا غلط وعوجو الطارة شمال بس الحمد لله باقدر اتحكم فى العربية وده لحد لما اروحلهم تانى واطلع عين اللى خلفوهم 6- رجة العربية بين ال 90 وال 100 قبل الصيانة زاى بعد الصيانة وده طبعا عشان اسم النبى حارسه وصاينه جهاز الترصيص عطلان فى التوكيل بقاله اسبوع - تقريبا هايودوه مركز صيانة لتصليحه هههههههههههه 7- غير كده العربية كلكو عارفينها وعارفين مزاياها وعيوبها واى جديد سوف نوافيكم بالاخبار على طوووووووووووووووووووووووو ووول- مراسلكم من قطاع فيرنا اللى محتلة شوارع مصر - صلاح عبد النبى ورضينا بالهم والهم مش راضى بيناptmnlo123per1106 |
رد: الفيرنا بعد صيانة الالف الاولى
مبروك ياباشات و فعلا كل ملاحظاتك سليمه
بس لازم ما تسكتش على الزوايا و الترصيص روحلهم فى اسرع و قت |
رد: الفيرنا بعد صيانة الالف الاولى
الف مبروك يا باشا على السياره
|
رد: الفيرنا بعد صيانة الالف الاولى
اقتباس:
|
الساعة الآن 06:31 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017