عيوب عربيتك ايه ؟
 

انا اولكم.... راكب سيارة ستروين من طراز Xsara 2 موديل 2003 فول اوبشن اوتوماتيك مفيهاش غير عيب واحد اعطالها غير قابلة للصيانه الا عند عدد محدود جدا من الورش والوكيل عز العرب فى دنيا تانيه تذهب لتصلح عيب ترجعلك العربيه بخمس عيوب تانيين العمليه صعبة ومعندهمش فكرة لغاية ماواحد قالى على ورشه فى مدينة نصر متخصصة فى الستروين واسعارهم مناسبه.
وقطع الغيار متوفرة بس غاليه بسيط .
اما الأتزان والعفشه اوعى وشك جامده جدا جدا ولعلمكم هى نفس موتو c4 والبيجو307

رد: عيوب عربيتك ايه ؟
 

كيا برايد سابا 2006

------------العيوب ----------- (الحل) -----------------

غربلة بعد100كم /ساعة حليتها بترصيص وتغيير مسامسير ربط العجل

خفيفة اوى على السرعات ------------------- ركبت جنوط سبور وعجل عريض ورفيع اتظبطت

سخونة المحرك --------------------------- شيلت ترموستات الكوع وكنت هغير السنسور بتاع الحرارة بس اتظبطت على كجه

مشاكل ملقيتلهاش حل

العزل سيئ جدا اعتبرة مش موجود اساسا
خامات الصالون فقيرة جدا

رد: عيوب عربيتك ايه ؟
 

عربيتي بولو 1000CC
تجميع السرعه ضعيف ، شئ طبيعي بسبب حجم الموتور
التكييف جوه البلد فاشل

رد: عيوب عربيتك ايه ؟
 

رينو 19 موديل 94(الفرنساوى)
العيوب:
1-طلمبه الباور كانت هتجننى ورحت عند 4 ومحدش حلها(كانت بتجيب زيت)
الحل:ربنا هدانى لمهندس(مش ميكانيكى)وغيرلى عدد 3 اويل سيل ومن ساعتها والدنيا تمام
2-صوت العربيه بيعلى على السرعات(مش صوت الموتور) ده صوت كأنه فى حاجه بتزن
الحل:الميكانيكى قالى انه عيب فرده الكاوتش الشمال فيها عالى وواطى(وانا دلوقتى بدور على حد بتاع كاوتش يكون كويس؟؟؟؟)
3-العربيه تجميعها بعد ال120 بيضعف
الحل؟؟؟؟؟
4-بحس ان التكييف بتاعها مش قوى(بس لما ركبت نوبيرا مع واحد صاحبى حسيت انه قريب منه يمكن عشان انا لما بركب عربيتى بتكون مركونه فى الشمس وهى لونها اسود مش عارف!!!!)
5-اغرب حاجه الاستهلاك بيزيد جامد بالتكييف يعنى يمكن يكون بيزيد حوالى 50% وبرضه مش شايفلها حل
طبعا دى كلها عيوب تتقضى انما بصراحه ملقيتش عيب جوهرى فيها من ساعه ما اشترتها

رد: عيوب عربيتك ايه ؟
 

سلام عليكم ياباشا