مصر موتورز مجتمع السيارات - اللى اتنقل مرور الاميرية يخلى بالو

السلام عليكم ورحمة الله وبركاتة

طبعا سكان المطرية وعين شمس المرور بتاعنا اتنقل بفضل الله من مرور الجحيم (السلام) لمرور الاميرية والحمد لله
بس برضو عشان اتنقل فى الاميرية وللأسف الاميرية دى مش فى اوروبا دى فى مصر برضو اللى هى ام الروتين كولوا لازم يعذبوا الناس معاهم
اومال يبقى اسمها وحدة مرور ازاى

انا عامل رخصة 3 سنين فى السلام عشان ماشوفش وش امهم تانى
ادونى تصريح 6 شهور على ما الرخصة تتطلع
خلص التصريح روحت سلمتة عشان اخد الرخصة بقى وارتاح من مشوار المرور
ادونى تصريح تانى 6 شهور على ما الزفتة تطلع
التصريح التانى خلص النهاردة واتنقلنا من مرور السلام وروحنا مرور الاميرية والحياة لووز وصاحى براحتى ورايح الساعة 11 وفاكر الدونيا هتبقى بمبى
اتصدمت فى الاستعلامات وهو بيقولى هاتروح تجيب مخالفات من السلام وتيجى (تفحص ) العربية هنا وبعد كدة تسلم التصريح
يعنى انا فاحص ودافع ضريبة 3 سنين قدام عشان ارتاح من المرور والفحص والمخالفات والقرف دة كلو
وبرضو هاعملوا تانى من اول وجديد
حسبى الله ونعم الوكيل فى الغباء والروتين والقرف اللى الواحد بيشوفة دة

اى حد مرور السلام من سكان المطرية وعين شمس يخلى بالو عشان مايتسوحش زييى كدة عشان انا التصريح هايخلص النهاردة ومش هاينفع امشى بالعربية من بكرة