مشكلة في ال i10 وأرجو المساعدة
 

أنا لسة شاري الهيونداي i10 من يومين ، وعندي مشكلة :-

أحيانا النور الأمامي والخلفي بتاع العربية بينور لوحده والعربية مغلقة ، فلما بشوف في ايه بلائي زر النور مغلق بس النور منور ، بس لما بلف الزرار على الآخر بيطفى ولما أسيبه بينور تاني

حد عنده فكرة دة ايه ؟؟

رد: مشكلة في ال i10 وأرجو المساعدة
 

اهلا بيك فى مصر موتورز والف مبروك على العربية وربنا يباركلك فيها ويكفيك شرها يارب

متقلقش من الحاجات البسيطة ديه على كلامك العيب ان شاء الله فى الدراع اللى فيه زرار النور وديه بسيطة خالص باذن الله بس انت المفروض تكتب كل ملاحظاتك عن العربية فى الفترة ديه علشان لما تروح صيانة ال 1000 الاولى او ال 5000 تظبطها

بسيطة يا باشا متقلقش خالص ومتنساش تتعامل مع العربية بدون قرص او شد فى الفترة ديه لحد ما تخلص الالف الاولى

رد: مشكلة في ال i10 وأرجو المساعدة
 

+1
كله بيتظبط في التوكيل و مفيش حاجة تقلق
بس اكتب ملاحظاتك و راجعها و انت بتستلم العربية

رد: مشكلة في ال i10 وأرجو المساعدة
 

ألف شكر يا جماعة على الردود

وان شاء الله هكتب كل ملاحظاتي

وبغض النظر عن العيب دة ، فهي سيارة جميلة وثابتة على الأرض وواسعة من جوة بما فيه الكفاية لاتساع 5 أشخاص

وشكرا مرة ثانية

رد: مشكلة في ال i10 وأرجو المساعدة
 

لا شكر على واجب يا باشا وفى انتظار تقريرك وانطباعاتك عن العربية قريبا ان شاء الله