تقرير عن البورا
يا ريت اصحاب الخبرة يفيدونايا جماعه عايز تقرير عن السيارة بورا للاهمية لاني عايز اشتريها |
رد: تقرير عن البورا
بدأ انتاج السيار عام 99 فى مصنع المانيا و حتى 2002 تقريبا و بعده بدأ انتاج السيارة فى مصنع المكسيك او البرازيل على ما أعتقد تم بناء السيارة على نفس الشاسيه و القاعدة المخصصة للجولف 4 و أوكتافيا A4,العربية تتميز بجمال التصميم و الصالون الداخلى, الموتورsr 1600 سى سى 102 حصان 8 صباب و هو نفسه المستخدم فى الباسات و الأوكتافيا ال A4, لا يعطى الأداء الأمثل خصوصا على السرعات البطيئة و لكنه يتميز بقوة تحمله وطول عمره و قوته على السرعات العالية, السرعة القصوى 180 - 185 كم (فتيس أتوماتيك).
العفشة قوية التحمل مع بعض النشوفية و لكنها تعود بالثبات على السيارة و هى نفسها المتواجدة فى الأوكتافيا ال a4 بردو, قطع الغيار متوافرة جديد (أشرف الشهابى و فتح الباب) و استيراد مجدى بيومى. أفضل و اشهر الميكانيكية هانى سمير عند حديقة بدر و طلعت, و انا شخصيا بتعامل عند واحد محترم اسمه ياسر فى الحرفيين و كلهم فاهمين العربية كويس مثل التوكيل تقريبا. متوسط الأسعار المستعمل من 70,000 الى 85,000 على حسب الحالة و الموديل و الدهان, لكن نصيحة عند الشراء لابد من التدقيق الشديد فى حالة العربية لانها لو تعبانة هتتعبك و هتصرف جامد عليها. بالتوفيق |
رد: تقرير عن البورا
شكرا ع التقرير وانا كنت بدور عليه فعلا.... عناوين اماكن الصيانه دى ف القاهرة؟ طاب ما فيش حد ف اسكندريه؟وشكرا
|
رد: تقرير عن البورا
الأخوة فى مدينة الاسكندرية ممكن يفيدوك أكتر, عشان أنا معرفش أى تفاصيل عن محلات الصيانة و قطع الغيار فى اسكندرية
|
رد: تقرير عن البورا
في اسكندرية في واحد مشهور جدا اسمه احمد هريسة وده بيشتغل في فولكس واجن بس
|
الساعة الآن 01:25 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017