طلب مقارنة بين اسبرانزا a113 & a516 ورينو لوجان
 

ارجو من السادة الاعضاء مقارنة بين اسبرانزا a113 & a516 ورينو لوجان من حيث الافضل
وشكراا

رد: طلب مقارنة بين اسبرانزا a113 & a516 ورينو لوجان
 

الشكل :
الشكل دا مسالة اذواق بس انا شايف ان مفيش عربية من التلاتة شكلها حلو
الاداء:
اعتقد انه مفيش فرق كبير اوي في الاداء
الفتيس :
طبعا اللوجان ليها فتيس ستبيترونيك 4 سرعات او مانيوال 5 سرعات انما الاسبرانزا 516 و113 مفيهومش غير فتيس مانيوال 5 سرعات
الوسع :
اللوجان واسعة جدا والاسبرانزا معرفش بصراحة
الثبات :
ناس كتيرة بتشكر في ثبات اللوجان وال516 انما ال113 محدش اتكلم عنها
العلو عن الارض :
الثلاثة عاليين جدا عن الارض ما شاء الله
قوة الصاج :
الاسبرانزا 113 و 516 صاجها قوي جدا وممتاز وافضل من اللوجان
عوامل الامان :
اللوجان فيها ايرباج واحد وال113 و 516 فيهما ABS & EBD بس مش عارف اذا كان في الـ516 ايرباج او لا
التجهيزات والكماليات :
مفيش فرق كبير يعني في كماليات موجودة في اللوجان ومش موجودة في 113 او 516 زي الكمبيوتر والمالتي فانكشن والبلوتوث وفي كماليات في ال113 و 516 ومش موجودة في اللوجان زي الجنوط سبور وفتح التانك من الداخل
التوكيل :
توكيل رينو بلا شك من افضل التوكيلات في مصر
قطع الغيار :
قطع غيار اللوجان منتشرة اكتر نسبيا من الاسبرانزا 113 و 516
اعادة البيع :
اللوجان افضل نسبيا في موضوع اعادة البيع
والاختيار لك :fun_36_3_16[1]:

رد: طلب مقارنة بين اسبرانزا a113 & a516 ورينو لوجان
 

طيب بالنسبة لاسعار قطع الغيار؟

رد: طلب مقارنة بين اسبرانزا a113 & a516 ورينو لوجان
 

بص هوا اللي اعرفه ان قطع غيار اللوجان داخل التوكيل غالية نسبيا لكن بره التوكيل ارخص بكتير
اما الاسبرانزا فانا معرفش بصراحة

رد: طلب مقارنة بين اسبرانزا a113 & a516 ورينو لوجان