مصر موتورز مجتمع السيارات - استفسار بسيط ؟؟؟!!!

مصر موتورز مجتمع السيارات (https://www.masrmotors.com/vb/index.php)

- كيا سيراتو Cerato (https://www.masrmotors.com/vb/forumdisplay.php?f=137)

- - استفسار بسيط ؟؟؟!!! (https://www.masrmotors.com/vb/showthread.php?t=31466)

استفسار بسيط ؟؟؟!!!

السلام عليكم جميعا .........
اهلا بكم اتمنى ان تكونوا بافضل حال ........
انا عايز اعرف حاجة عن السيراتو؟؟؟
هى الناس ليه بتقول ان الهورس باور بتاعها مش 124؟؟؟
بيقولوا انها مش صافى؟
يعنى اساسا مش صافى؟؟
ولا الناس اللى سمعت رايهم بيقولوا اى كلام؟؟؟
وشكرا لكم جميعا..........

رد: استفسار بسيط ؟؟؟!!!

الهورس باور بتاع العربية بيتقاس من ناحيتين:-

gross horse power: ودى القدرة الحصانية للمحرك وهو فى الهواء, يعنى قبل مايركب فى العربية أو يركب عليه الفتيس والشكمان, وبيكون راكب عليه شوية سيور وبعض الأجهزة زى طرمبة المياه, ومبيبقاش راكب عليه حاجات تانية زى طلمبة الباور وكمبروسر التكييف ألخ, وده بيدى القدرة الحصانية بتاعة المحرك بس وبتبقى أعلى من الموتور وهو راكب فى العربية.

(الصافى)net horse power: ودى بتقيس الباور الخارج من الموتور بعد تركيب الموتور فى السيارة وتركيب التكييف والباور ستيرنج ونظام العادم كله وباقى الأكسسوارات التى تسبب نقصا فى طاقة الموتور, ويتم قياس القوة من عمود الكرنك, ودى بتدى أقصى قراءة صحيحة لقدرة الموتور(الفتيس بعد كده هو اللى بيحدد هيستخدم طاقة الموتور لأكبر عزم أو لأكبر سرعة قصوى).

والطريقة الصح هى التانية وهى الصافى, بس فيه شركات بتكتب الهورس باور بالطريقة الأولى وفيه شركات بتستعمل الطريقة التانية, وشركات بتكتب الأثنين.

وعلى العموم الصافى بيكون أقل من الطريقة الأولى بحوالى 3 أو2 حصان ولحتى 5 حصان, بس معنديش معلومات عن السيراتو, بس هى فى وكيبيديا 124 حصان.

رد: استفسار بسيط ؟؟؟!!!

الف شكر يا باشا على الرد و جزاك الله خيرا..............

رد: استفسار بسيط ؟؟؟!!!

تسلم يا انجكشن باشا علي الرد العلمي.
بالنسبه للسيراتو او اي عربيه اسيوي عموما بيقيسوا الموتور خارج العربيه
لكن مش بتفرق في 5 حصان ما ما انجكشن قال