سؤال بخصوص رخصه الزجاج الملون
 

عندنا شيروكي 2010 وزي ما انتو عارفين ان الشباكين الأماميين بيبقى عادي والشباكين الخلفيين متفيمين بس مكتوب في الرخصه بتاعها ان الزجاج ملون ومش متحدد ...
السؤال لو فيمت الرجاج الأمامي بنفس درجه الخلفى هل ده هيبقى قانوني؟؟ لإن الرخصه مثبت فيها ان الزجاج ملون ومش محدد امامي ولاخلفى؟؟
برجاء الاجابه من اهل الخبره او اللى اتعرضو لموقف مشابه وشكرا

رد: سؤال بخصوص رخصه الزجاج الملون
 

انا والدي معاه لانسر 2010 خليجي والزجاج الخلفي ملون ونفس القصة مع حضرتك في موضوع الرخصة لكن نصيحة ابعد عن الشر وغنيلوا لأنو الفيميه بتاع المصنغ بيبان عن المركب وساعتها ها تبقى موال لكن في الغالب في اي كمين كان مجرد ما بيشوف في الرخصة زجاج ملون مش بيتكلم لكن برضوا الواحد يعمل حسابوا

رد: سؤال بخصوص رخصه الزجاج الملون
 

هوا ازاى اعمل اصلا زجاج ملون فى الرخصه وهل ممكن ولا لناس وناس

رد: سؤال بخصوص رخصه الزجاج الملون
 

طالما الرخصه مكتوب فيها زجاج ملون يبقي من حقك تفيم العربيه كلها
بس دا ما يمنعش ان ممكن حد يرخم عليكي لكن في اضيق الحدود

رد: سؤال بخصوص رخصه الزجاج الملون
 

شكرا ياسيد باشا على اهتمامك وردك .. وبالنسبه للتفييم بدرجه المصنع أظنه مش مستحيل بس محتاج الواحد يدور عليه

الرخصه بيبقى مكتوب فيها زجاج ملون لو كانت العربيه جايه بالزجاج ده من مصنعها يعني مش انت اللى مفيمها والكلام ده بيتأكدو منه ساعه ترخيص العربيه والفحص المهندس بيعمل شويه حركات عبيطه كده عشان يتأكد انه بتاع بلدها وبعدها بيروح كاتبلك في الرخصه (زجاج ملون) وشكرا على ردك ياباشا

أستاذ حازم شكرا على ردك وأنا بسأل لإن واحد صاحبي قاللي المعلومه ده وقاللي انت مكتوبلك في الرخصه زجاج ملون يعني مش أمامي وخلفي وهو كمان عامل كده فانا قلت أتأكد من حضرتك ومن أساتذتنا في المنتدى لإنى مش فاكر اني شفت شيروكي مفيمه ورا وقدام ومشكور على اهتمامك ياباشا