رد: رابطة مالكى الاكسل
 

ياريت توضح اكتر يعنى كهربة الفتيس اروح لكهربائى ولا ميكانيكى وايه قصدك بالحساسات لان اللى يفهم الاتوماتيك قليل عندنا فى البلد والفلتر ومصفة الزيت ليهم تاثير وجزاك الله خيرا

رد: رابطة مالكى الاكسل
 

مش اى كهربائي
لازم يكون له دراية بشغل الفتيس الاوتو ماتيك
اقصد بكهربة الفتيس الدفيره اللى طالعه منه خلى الكهربائي يتاكد ان الفيش بتاعتها كلها راكبه مظبوط وكمان الحساسات دى بتاعت النقلات برده لو سلك منهم فاصل مش هتنقل وهتفضل العربيه ماسكه تالت بس
اسال على متخصص فتيس اتوماتيك برده هيفهمك اكتر منى
واصبر على صيانة الفتيس ومتتخنقش منه
اكيد لازم تكشف عن زيته ولو مكنتش مغيره غيره لزيت اسو مثلا كان الكيلو ب 21 ج تقريبا بس قبل ما تغيره روح لمتخصص فتيس ولو قالك نغيره احسن بواحد استيراد روح لواحد آخر وخد رايه والصبر جميل
لانى خسرت مع الصنايعيه كتيييييييييييييييييير
وربنا يوفقك

رد: رابطة مالكى الاكسل
 

مشكوور وتاعبك معايا طيب اعرف ازاى ان النقلات ماسكه تالت بس مع ان العربيه بتجيب معايا 110 و 120 كم بس فيه حاجة بحس بيها وخصوصا لما بكون ماشى براحة شويه وازود بنزين مرة واحده احس ان العربيه نطت مرة واحده

رد: رابطة مالكى الاكسل
 

ربنا يعزك الشكر لله
جربت زرار O/D ده بالنسبة للزرار بتاع ON/OFF دة اسمة O/D او OVER DRIVE (الغيار الرابع)

ودى خاصية فى بعض العربيات الاتوماتيك ( وده بيخلى الفتيس يمشى على اول 3 غيارات بس وما يجبش الرابع (فى حالة OFF) اما لو مفتوح بياخد الاربع غيارات عادى ..
جرب كده تدوس عليه وشوف هيتحدد السرعه ولا لأ مهما تزود
ومن غيره المفروض تزيد السرعه عن 90 وتجيب الرابع عادى
وانت بتزود بتحس بنتشة النقله ولا مبتحسش بيها ابقا خد بالك وقولى كده يعنى مثلا عند سرعة 25 كم او 30 تقريبا هتحس بنقلة الثانى وهكذا
ولو انت عاملة على OFF هتلاقى لمبة فى التابلوة نورت مكتوب عليها O/D OFF
وهتلاقي عندك زرار تحت مكتوب اصاده NORM و eco خليك على norm افضل
خلى بالك دى معلوماتى المتواضعه جدا عن طريق تجربتي مع الاكسيل الاوتو ماتيك
عشان كده برده بقولك استشير متخصص فتيس اوتو ماتيك
وربنا يكرمك وتتحل مشاكلك باذن الله

رد: رابطة مالكى الاكسل